კომპანი: "ზამთრის პაუზა ნამდვილად საჭიროა! ეს პრემიერ ლიგას აკლია"

ვენსან კომპანისთვის, რომელმაც ინგლისის პრემიერლიგა ბუნდესლიგაზე გაცვალა, ერთ-ერთი დადებითი ცვლილება არის ზამთრის პაუზა, რომელსაც გერმანული ლიგა იძლევა. ეს პაუზა ფეხბურთელებს საშუალებას აძლევს, რომ სეზონის ინტენსიური მეორე ნახევრის დაწყებამდე დაისვენონ და ძალები მოიკრიბონ.

„ძალიან ბედნიერი ვარ, რომ გვაქვს ზამთრის პაუზა, რადგან ზაფხულში ასეთ შესვენებას ვერ მივიღებთ,“ – განაცხადა კომპანიმ მატჩის წინ გამართულ პრესკონფერენციაზე.

„მნიშვნელოვანია, რომ რამდენიმე დღე დასვენებისთვის იყოს გამოყოფილი – არა მხოლოდ ფიზიკურად, არამედ მენტალურადაც. ბუნდესლიგაში ეს შესაძლებლობა გვაქვს. ინგლისში გუნდებს ამ პერიოდში ბევრი თამაში უწევთ. ეს ტრადიციაა. მთავარი კი არის, რომ ამგვარ პაუზას რაღაც მომენტში მაინც იღებ.“