რატომ არ გადავიდა დანი ოლმო "ბაიერნში"? - მისი აგენტის განცხადება

ფაბრიციო რომანომ გაამჟღავნა, თუ რატომ არ აირჩია „ბაიერნი“ ესპანეთის ეროვნული ნაკრების ვარსკვლავმა და „ბარსელონას“ მოთამაშემ დანი ოლმომ ხუთი წლის წინ, როდესაც ის ხორვატიის „ზაგრებში“ თამაშობდა. (მიუხედავად უფრო მაღალი ხელფასისა და პრესტიჟული შემოთავაზებებისა)

„როდესაც დანი „დინამო ზაგრებში“ თამაშობდა, „ბაიერნმა“ უფრო მაღალი თანხა შესთავაზა, ასევე უფრო ძლიერი მარკეტინგული მხარე ჰქონდა,“ - განაცხადა ოლმოს აგენტმა, ენდი ბარამ, ექსკლუზიურ ინტერვიუში ფაბრიციო რომანოსთან.

„მაგრამ ჩვენ სიტყვა მივეცით [„ლაიფციგს“] და ოლივერ მინცლაფს. მათ გვიჩვენეს თავიანთი პროექტი და ჩვენ იმ მომენტში გადავწყვიტეთ „ლაიფციგში“ გადასვლა.“

„საქმე სპორტულ პროექტშია. ფული არ არის ყველაფერი ცხოვრებაში და ფეხბურთში.“

ოლმოს გადაწყვეტილებამ თავისი შედეგი გამოიღო. მან „ლაიფციგში“ ხუთი ნაყოფიერი სეზონი გაატარა, ხშირად პრობლემებს უქმნიდა „ბაიერნსა“ და გერმანიის ნაკრებს, პარალელურად კი ესპანეთის ეროვნულ გუნდში პოზიციებს იმყარებდა.
ახლა ის კვლავ ესპანეთშია „ბარსელონასთან“ ერთად... მაგრამ კლუბის ცნობილი და დაუსრულებელი ფინანსური პრობლემების გათვალისწინებით, რამდენ ხანს დარჩება იქ? 26 წლის ფეხბურთელი ამის სურვილს გამოთქვამს, მაგრამ თუ საქმე ლა ლიგაში არ მოეწყობა, შესაძლოა „ბაიერნმა“ ისევ სცადოს მისი გადაბირება.