დეივისის უარი "ბაიერნს" - მისი აგენტი მადრიდში გაემგზავრება

შობის პერიოდში მადრიდის "რეალს" სჯეროდა, რომ ალფონსო დეივისი მიუნხენის "ბაიერნთან" კონტრაქტს გაახანგრძლივებდა, თუმცა ბოლო დღეებში სიტუაცია შეიცვალა. 

ახლა "რეალი" ოპტიმისტურადაა განწყობილი, რომ ფეხბურთელთან შეთანხმების მიღწევა შეძლებს.

ფეხბურთელის აგენტი მალე მადრიდში გაემგზავრება და "რეალის" ხელმძღვანელობასთან შეხვდება. ეს შეხვედრა შესაძლოა გადამწყვეტი აღმოჩნდეს.
დეივისმა უარი თქვა "ბაიერნის" ბოლო შეთავაზებაზე. კლუბი ოპტიმისტურად იყო განწყობილი და ფიქრობდა, რომ სწორი მიმართულებით მიდიოდა, თუმცა ეს უარი მოულოდნელი აღმოჩნდა.

მიუნხენური კლუბი ამას საბოლოო უარად არ აღიქვამს და ფეხბურთელის დარწმუნებას განაგრძობს. ამავდროულად, ისინი ბაზარზე ალტერნატივებს ეძებენ.