ბაიერნის ქართული ფან-კლუბი

სულ ცოტა ხნის წინ გავრცელდა ინფორმაცია, რომლის მიხედვითაც მიუნხენის "ბაიერნი" მარიო გიოტცეს დაბრუნება სურს. დღეს ამ ტრანსფერთან დაკავშირებით საინტერესო ცნობები გაჟღერდა.

კერძოდ, Bild-ის ინფორმაციით, 28 წლის ფეხბურთელის დამატება პირადად ჰანს ფლიკს სურს. მოგეხსენებათ, გუნდის დამრიგებელი გერმანიის სამწვრთნელო შტაბში მუშაობდა და შესაბამისად, გიოტცეს შესაძლებლობებს კარგად იცნობს და სჯერა, რომ მას ფორმის დაბრუნება შეუძლია.

თუმცა, "რეკორდმაისტერის" ხელმძღვანელობა ფეხბურთელის დაბრუნებას გარკვეულ რისკად აფასებს და ამის გამო უარზეა. ისინი მიიჩნევენ, რომ გიოტცეს დამატების შემთხვევაში კლუბზე ზეწოლა გაიზრდება, რადგან მარიო მხოლოდ სათადარიგო რგოლის მოთამაშედ განიხილება და მედია ამას უარყოფითად გააშუქებს.

იმ შემთხვევაში, თუ გიოტცე "ბაიერნში" დაბრუნდება, მაშინ ის ერთწლიან კონტრაქტს მოაწერს ხელს, გახანგრძლივების პერსპექტივით.

დღეს, 16:24

sandro

მეტის ნახვა

„ევროპაბეთი“ მომხმარებლებს მაგიდის თამაშების ახალ, უალტერნატივო რეალობას, სათამაშო ინდუსტრიას კი კიდევ ერთ გამოწვევას სთავაზობს. 17 სექტემბრიდან ნარდი, ბურა და დომინო „ევროპაბეთზე“ სრულიად უფასოა. პოპულარული სამაგიდო თამაშებით გართობა მსურველებს  0%-ანი კომპანიის წილით და ნულოვანი ბალანსით შეუძლიათ. 

უკონკურენტო პირობებთან ერთად „ევროპაბეთის“ მაგიდის თამაშების პლატფორმაზე სიახლეა გაუმჯობესებული უსაფრთხოების სისტემა.  ყველაზე დაცული ონლაინ ნარდი, სივრცე სადაც მომხმარებელი დაზღვეულია კომპიუტერთან თამაშისგან. 
 
ლაშა გოგუა, ევროპაბეთის მარკეტინგის დირექტორი: “ უფასო სამაგიდო თამაშების შეთავაზება ჩვენი პასუხისმგებლიანი თამაშისა და ოპერირების გაგრძელებაა. ნარდი, დომინო და ბურა ჩვენს ქვეყანაში ტრადიციული გართობის საშუალებებია და გვიხარია, რომ ჩვენი ინიციატივის ფარგლებში ნებისმიერ მსურველს ვაძლევთ შესაძლებლობას ითამაშოს პოპულარული თამაშები რეგიონის ყველაზე მსხვილ პორტალზე მხოლოდ სიამოვნებისთვის. 

პანდემიის პერიოდში ამ პროდუქტების მოხმარება მნიშვნელოვნად გაიზარდა და ევროპაბეთის სამაგიდო თამაშების პორტალი რეგიონალური მნიშვნელობის გახდა. გაზრდილმა მოთხოვნამ და პროფესიონალმა მომხმარებელმა დაგვანახა სხვა მნიშვნელოვანი გამოწვევები, როგორიცაა ონლაინ თამაშის სამართლიანი და გამჭვირვალე პროცესი. დღეს თამამად შეგვიძლია ვთქვათ, რომ ჩვენთან კომპიუტერთან დაპირისპირებისგან დაზღვეული ხართ. უსფრთხოების გარანტია ნარდის ფედერაციის სერტიფიცირებული მსაჯები არიან, რომლებიც შემთხვევითი შერჩევის პრინციპით უყურებენ თამაშებს ყოველდღიურად და აკონტროლებენ, რომ ორივე მხარე სპეციალური პროგრამის დახმარების გარეშე თამაშობდეს.“

ბოლო 6 თვის მონაცემებით „ევროპაბეთი“ მაგიდის თამაშების ყველაზე მსხვილი პლატფორმაა რეგიონში, სადაც სამაგიდო თამაშებს ერთდროულად 10 000-ზე მეტი ადამიანი თამაშობს. 

უპრეცედენტო ინიციატივის შედეგად  ბეთსონის ჯგუფის წევრი უარს ამბობს იმ მოგებაზე, რომელსაც როგორც წესი თამაშისას მომხმარებელი კომპანიას უხდის და ნებისმიერ მსურველს აძლევს საშუალებას ერთმანეთს სრულიად უფასოდ, მხოლოდ სიამოვნებისთვის ეთამაშონ.

პორტალზე თითოეულ სამაგიდო თამაშში შესაძლებელია როგორც ინდივიდუალური თამაშის შექმნა საკუთარი წესებით, ისე სხვა მომხმარებლების მიერ შექმნილ თამაშებში მონაწილეობა. 

დღეს, 15:14

sandro

მეტის ნახვა

მოგეხსენებათ, დღეს UEFA-მ ჩემპიონთა ლიგის გასული სეზონის საუკეთესო ფეხბურთელის ჯილდოსთვის მებრძოლი სამეული დაასახელა, სადაც მანუელ ნოიერი და რობერტ ლევანდოვსკი მოხვდნენ.

აღსანიშნავია, რომ დანარჩენ ათეულში "ბაიერნის" კიდევ 3 ფეხბურთელი მოხვდა. ესენი არიან ტიაგო ალკანტარა, თომას მიულერი და იოზუა კიმიხი.

მეოთხედან მეათე ადგილამდე ხმები შემდეგნაირად გადანაწილდა:

დღეს, 14:37

sandro

მეტის ნახვა

ევროპული ფეხბურთის მმართველმა ორგანომ ჩემპიონთა ლიგის წლის საუკეთესო ფეხბურთელისთვის მებრძოლი სამეული დაასახელა.

აღსანიშნავია, რომ 3 მოთამაშეს შორის ორი მიუნხენის "ბაიერნიდან" მოხვდა. ესენი არიან რობერტ ლევანდოვსკი და მანუელ ნოიერი. რაც შეეხება მესამე ფეხბურთელს, ეს კევინ დე ბრუინი გახლავთ.

ხსენებული ჯილდოს გამარჯვებული 1 ოქტომბერს გაირკვევა.

დღეს, 14:16

sandro

მეტის ნახვა

ევროპის სუპერთასისთვის ბრძოლაში მიუნხენის "ბაიერნი" ანდალუსიურ "სევილიას" დაუპირისპირდება. თამაში 24 სექტემბერს გაიმართება.

შეხვედრამდე ერთი დღით ადრე "რეკორდმაისტერი" უნგრეთის დედაქალაქ ბუდაპეშტში გაემგზავრა. ჰანს ფლიკმა კი სამატჩო განაცხადი დაასახელა.

აღსანიშნავია, რომ გაფართოებულ შემადგენლობაში ხავი მარტინესიც მოხვდა, რომელსაც ბილბაოს "ატლეტიკში" დაბრუნებას უწინასწარმეტყველებენ. რაც შეეხება კინგსლი კომანს, ის კარანტინის შეზღუდვის გამო კვლავ ვერ შეძლებს გუნდის დახმარებას.

სრული განაცხადი შემდეგნაირად გამოიყურება:

დღეს, 14:08

sandro

მეტის ნახვა

მოგეხსენებათ, მიუნხენის "ბაიერნი" აქტიურად ეძებს ახალ მარჯვენა მცველს და ამ პოზიციაზე სერჟინიო დესტის ვარიანტი განიხილებოდა, თუმცა, როგორც ჩანს, ტრანსფერი აღარ შედგება.

ესპანური გამოცემების ინფორმაციით, 19 წლის ფეხბურთელისთვის სატრანსფერო ბრძოლაში "რეკორდმაისტერი" კატალონიის "ბარსელონასთან" დამარცხდა.

წყაროს ცნობით, "ბლაუგრანამ" უკვე მიაღწია საბოლოო შეთანხმებას ამსტერდამის "აიაქსთან" და დესტი 25 მილიონი ევროს სანაცვლოდ ესპანურ კლუბში გადაბარგდება.

ფეხბურთელის სანაცვლოდ ამ თანხის გადასახდელად "ბაიერნიც" მზად იყო, თუმცა, კატალონიაზე არჩევანი თავად სერჟინიომ შეაჩერა.

დღეს, 14:05

sandro

მეტის ნახვა

ტიაგო ალკანტარას "ლივერპულში" გადასვლის შემდეგ მიუნხენის "ბაიერნი" მის შემცვლელს აქტიურად ეძებს.

გერმანული გამოცემა Bild-ის ინფორმაციით, "რეკორდმაისტერის" დამრიგებელს, ჰანს ფლიკს ამ პოზიციაზე ყოფილი ფეხბურთელის, მარიო გიოტცეს დაბრუნება სურს.

მოგეხსენებათ, 28 წლის ნახევარმცველი ამჟამად თავისუფალი აგენტია. ფლიკი მიიჩნევს, რომ გიოტცეს ჯერ კიდევ შეუძლია მაღალ დონეზე თამაში და მისი მოყვანის სურვილი აქვს.

თუმცა, თავად კლუბის ხელმძღვანელობა მიიჩნევს, რომ ფეხბურთელის დაბრუნება მაღალ რისკებთან არის დაკავშირებული. ეს კი მასთან კონტრაქტის გაფორმებას აბრკოლებს.

დღეს, 00:33

sandro

მეტის ნახვა

როგორც ჩანს, ხავი მარტინესის რვაწლიანი კარიერა მიუნხენის "ბაიერნში" საბოლოოდ დასრულდა.

დღეს "რეკორდმაისტერმა" ყოველწლიური ფოტოსესია მოაწყო ლუდი პაულანერისთვის, რომელსაც გუნდის ერთადერთი ფეხბურთელი, ხავი მარტინესი არ ესწრებოდა. მიზეზი მისი მომავალი ტრანსფერია.

გერმანული გამოცემა Bild-ის ინფორმაციით, ვეტერანი ფეხბურთელი ამჟამად ესპანეთში იმყოფება, სადაც ის "ბილბაოსთან" მოლაპარაკებებს ასრულებს.

წყაროს ცნობით, ხავი მარტინესის დაბრუნება ბასკურ გუნდში უკვე გადაწყვეტილია და ტრანსფერი უახლოეს დროში დადასტურდება.

გუშინ, 23:51

sandro

მეტის ნახვა

მიუნხენის "ბაიერნის" რადარზე ლონდონის "ჩელსის" ამომავალი ვარსკვლავი, კალუმ ჰადსონ-ოდოი კიდევ ერთხელ გამოჩნდა.

"რეკორდმაისტერის" დამრიგებელი, ჰანს ფლიკი ახალი ვინგერის ტრანსფერს ითხოვს და ევროპული გამოცემების ინფორმაციით, კლუბის ერთ-ერთი მთავარი სამიზნე სწორედ 19 წლის ფეხბურთელი იქნება.

მოგეხსენებათ, ოდოის შეძენა "ბაიერნს" 2019 წელსაც სურდა, თუმცა, მაშინ ის კლუბმა არ გაუშვა და ახალი კონტრაქტი გაუფორმა.

გასულ წელს კლუბი მის სანაცვლოდ 30 მილიონ ფუნტს იხდიდა. იმის გათვალისწინებით, რომ "ჩელსიმ" ზაფხულში ძალიან დიდი თანხები დახარჯა, არ არის გამორიცხული, მიმდინარე წელს კლუბი ამ წინადადებას დათანხმდეს.

გუშინ, 22:38

sandro

მეტის ნახვა

ხუთშაბათს, 24 სექტემბერს მიუნხენის "ბაიერნი" ევროპის სუპერთასის შეხვედრაში ანდალუსიის "სევილიას" დაუპირისპირდება.

გთავაზობთ გუნდების სავარაუდო თერთმეტეულებს მომავალი შეხვედრისთვის.

"ბაიერნი": ნოიერი - პავარი, სულე, ბოატენგი, დეივისი - კიმიხი, გორეცკა - გნაბრი, მიულერი, სანე - ლევანდოვსკი.

"სევილია": ბონო - ნავასი, კუნდე, დიეგო კარლოსი, ესკუდერო - რაკიტიჩი, გუდენჟი, ფერნანდო - სუსო, დე იონგი, ოკამპოსი.

გუშინ, 19:40

sandro

მეტის ნახვა

მიუნხენის "ბაიერნის" ახალწვეულმა, ლეროი სანემ რობბერის დუეტთან შედარებაზე კომენტარი გააკეთა.

"სანაბრი თუ გნანე? მე ორივე მომწონს. ფანებს შეუძლიათ რაც სურთ ის დაგვიძახონ, თუმცა, ჯერ რობბერისთან შედარება ძალიან ადრეა."

"ამ დუეტმა ათწლეულის განმავლობაში უმაღლეს დონეზე ითამაშა და "ბაიერნში" ისტორია დაწერა. ჩვენ კი ამ კლუბის მაისურით ჯერ მხოლოდ ერთი მატჩი ჩავატარეთ."

"გნაბრისთან მეგობრობა არასდროს შემიწყვიტავს. ჩვენ ახალგაზრდულ ნაკრებებში ერთად გამოვდიოდით და ძალიან კარგი ურთიერთობა გვაქვს." - აცხადებს სანე.

გუშინ, 19:37

sandro

მეტის ნახვა

ზუსტად 5 წლის წინ ამ დღეს, მიუნხენის "ბაიერნის" ლიდერმა, რობერტ ლევანდოვსკიმ "ვოლფსბურგის" წინააღმდეგ 9 წუთში 5 გოლის გატანა მოახერხა.

გავიხსენოთ ეს ლეგენდარული მატჩი.

გუშინ, 16:28

sandro

მეტის ნახვა