ვირცმა ბაიერნის წარმომადგენლები გააოცა - ტოპ ტალანტი ლივერპულში გადადის!

ამ კვირის დასაწყისში გაიმართა შეხვედრა, რომელშიც მონაწილეობდნენ ფლორიან ვირცი, ული ჰიონესი და მაქს ებერლი.

ბაიერნმა კიდევ ერთხელ სცადა ყველაფერი, რაც შეეძლო. გუშინ შუადღით ჰანს-იოახიმ ვირცმა დაურეკა ჰიონესსა და ებერლს და შეატყობინა, რომ მისი შვილი, ლევერკუზენში ხუთწლიანი ყოფნის შემდეგ, საკუთარ მომავალს ბუნდესლიგაში ვეღარ ხედავს. მას სურდა შემდეგი ნაბიჯი, ახალი გამოწვევა. შესაბამისად, ის გადავა პრემიერლიგაში - ლივერპულში.

ეს გადაწყვეტილება ბაიერნისთვის სრული სიურპრიზი იყო. კლუბს ჰქონდა მტკიცე რწმენა, რომ ვირცი მიუნხენში გადმოვიდოდა. მრავალრიცხოვანი საუბრების შემდეგ როგორც თავად ვირცთან, ისე მის მამასთან, ბაიერნში ფიქრობდნენ, რომ ფეხბურთელი ამ ეტაპზე სხვა ჩემპიონატში გადასვლას არ აპირებდა.