მოლაპარაკებები დაწყებულია: რას ამბობს კლოპი ბუნდესნაკრებში მოსვლაზე?

გერმანიის ეროვნულ ნაკრებში მიმდინარე მოვლენები წარმოუდგენელი სისწრაფით ვითარდება. იულიან ნაგელსმანის გადადგომის შემდეგ, იურგენ კლოპმა ოფიციალურად დაადასტურა, რომ გერმანიის ფეხბურთის ფედერაციასთან მთავარი მწვრთნელის პოსტზე მოლაპარაკებებს უკვე აწარმოებს.
ლეგენდარულმა გერმანელმა სპეციალისტმა აღნიშნა, რომ პროცესი სწრაფად დაიწყო, თუმცა წინ რთული და სიღრმისეული განხილვები ელოდებათ, რადგან ნაკრების პრობლემები მხოლოდ მწვრთნელს არ უკავშირდება:

„მოვლენები საკმაოდ სწრაფად განვითარდა. იულიანი გადადგა, DFB მის შემცვლელს ეძებს და ისინი მე მესაუბრებიან. ინტენსიური დისკუსიები დაგვჭირდება, რადგან პრობლემები, რომელთა წინაშეც ახლა ვდგავართ, რა თქმა უნდა, მხოლოდ იულიან ნაგელსმანის ბრალი არ არის. იულიანი გამორჩეული მწვრთნელია და ის ამას თავის კარიერაში კიდევ ბევრჯერ დაამტკიცებს. სწორედ ამიტომ, უბრალოდ უნდა დაველოდოთ, როგორ განვითარდება ეს მოლაპარაკებები. გარდა ამისა, მე მჭირდება საუბარი ჩემს დამსაქმებელთან, ოლივერ მინცლაფთან. ვიცი, რომ გერმანული ფეხბურთი მისთვის ძალიან მნიშვნელოვანია, ამიტომ ის ამ დიალოგისთვის სრულიად ღიაა.” - განაცხადა კლოპმა.