"ბაიერნის" ყველაზე ძვირადღირებული ფეხბურთელები transfermarkt-ის მიხედვით

ავტორიტეტულმა გერმანულმა გამოცემა transfermarkt-მა ფეხბურთელების განახლებული ფასები გამოაქვეყნა.

მიუნხენის "ბაიერნის" რიგებში ყველაზე ძვირადღირებულ მოთამაშედ იოზუა კიმიხი დასახელდა, რომლის ღირებულებამაც 90 მილიონი ევრო შეადგინა. მეორე ადგილზე ალფონსო დეივისია 75 მილიონით.

კანადელის ღირებულებას ბევრით არ ჩამოუვარდება ლეონ გორეცკასა და სერჟ გნაბრის ფასები, რომელიც 70 მილიონ ევროს შეადგენს.

რაც შეეხება ლეროი სანესა და რობერტ ლევანდოვსკის, მათი ღირებულება 60 მილიონია.