კლოპმა სალაჰი და ლევანდოვსკი შეადარა: "ცხადია, მოც იმავე დონეზე თამაშობს"

ლივერპულის მთავარმა მწვრთნელმა, იურგენ კლოპმა საკუთარი გუნდის თავდამსხმელი, მოჰამედ სალაჰი ბაიერნი ფორვარდს, რობერტ ლევანდოვსკის შეადარა:

'სალაჰი აბსოლუტურად იმავე დონეზე თამაშობს, როგორზედაც ლევანდოვსკი - ამაზე ეჭვები არ არსებობს. 

მო გოლების მანქანაა, მის პროფესიონალიზმს, ბადალი არ ჰყავს. ყველაფერს აკეთებს იმისათვის, რომ მუდამ ფორმაში იყოს - ის ყოველთვის პირველი მოდის ვარჯიშებზე და ბოლო მიდის.

გარდა მისი ტექნიკური თვისებებისა, მუდამ სურს გატანა - ასეთი თვისებებით გამოირჩევა ლევანდოვსკიც. 

თამაშის დროს, მოედანზე რასაც არ უნდა აკეთებდე ყოველთვის საჭიროა ფეხბურთელი, რომელსაც ბურთის კარის ხაზიდან ამოტანა და მისი ბადეში მოტავსება შეუძლია, მო ამას საუკეთესოდ აკეთებს, რაც კი მინახავს. მისი სტატისტიკა უბრალოდ ჭკუისშემშლელია.

ძალიან გამიმართლა, რომ კარიერის განმავლობაში არაერთ კარგ ფეხბურთელთან მიმუშავია', - თქვა კლომპა The Guardian-თან საუბარში.

სალაჰმა მიმდინარე სეზონში ლივერპულის მაისური 6 მატჩში მოირგო, სადაც თავი 5 გოლითა და 2 საგოლე გადაცემით გამოიჩინა, რაც შეეხება ლევანდოვსკის, პოლონელმა 8 შეხვედრა ჩაატარა და 11 ბურთი გაიტანა.