ვინ განსჯის დინამო კიევი-ბაიერნის მატჩს ჩემპიონთა ლიგაზე?

ცოტა ხნის წინ ცნობილი გახდა, რომ დინამო კიევსა და ბაიერნს შორის მოახლოებულ ჩემპიონთა ლიგის ჯგუფური ეტაპის შეხვედრას, თურქი არბიტრი ალიტ უმუტ მელერი განსჯის.

35 წლის პეციალისტი ძირითადად თურქეთის სუპერლიგის მატჩებს მსაჯობს - მელერმა კარიერაში სულ 228 შეხვედრა განსაჯა, სადაც 1125 ყვითელი ბარათი და 31 წითელი აჩვენა. ამასთან, ამ მატჩებში მან 88 პენალტი დანიშნა.

სტატისტიკა რომ გვერდზე გადავდოთ, შეიძლება ითქვას, რომ თურქი სპეციალისტი უხეში თამაშის მოყვარულია და ფეხბურთელებს მოედანზე მეტ თავისუფლებას აძლევს, როცა ისინი ორთაბძოლებში შედიან. 

მიმდინარე სეზონში თურქი არბიტრის სტატისტიკა ამგვარია: 12 განსჯილი შეხვედრა, 48 ყვითელი ბარათი, 1 წითელი ბარათი და 7 დანიშნული პენალტი.

შეგახსენებთ, დინამო კიევი და ბაიერნი ერთმანეთს ჩემპიონთა ლიგის ჯგუფურ ეტაპზე 23 ნოემბერს, 21:45საათზე დაუპირისპირდებიან.