"რა საიდუმლო დგას ჩემი სათამაშო ფორმის მიღმა?", - ჩუპო მოტინგის პასუხი ჟურნალისტებს

ბუნდესლიგის მე-11 ტურის შეხვედრაში მიუნხენის ბაიერნი სტუმრად ჰოფენჰაიმს დაუპირისპირდა და მეტოქე 0:2 დაამარცხა.

აღნიშნულ შეხვედრაში თავი გოლებით ჯამალ მუსიალამ და ჩუპო-მოტინგმა გამოიჩინეს, ამ უკანასკნელმა კი ბოლო 3 მატჩში 4 გოლი და 2 საგოლე გადაცემა შეასრულა.

მატჩის დასრულების შემდეგ, ჩუპომ საკუთარ ფორმაზე ისაუბრა და ჟურნალისტის კითხვაზე - რა საიდუმლო დგას ამ ყველაფრის მიღმა, უპასუხა:

"არანაირი საიდუმლო არ არსებობს. სავარჯიშო პროცესსზე ყველაფერს ვაკეთებ და კარგად ვვარჯიშობ. ვენდობი ჩემს და თანაგუნდელების სათამაშო ხარისხს. მშვენიერია, რომ ყველაფერი კარგად მიდის", - განაცხადა კამერუნელმა ფორვარდმა.