"ეს მისთვის შურისძიების თამაშია, რადგან..", - ჩავის კომენტარი ლევანდოვსკიზე

დღეს, თბილისის დროით 23:00 საათზე, ჩემპიონთა ლიგის მე-5 ტურის შეხვედრაში, მიუნხენის ბაიერნი სტუმრად ბარსელონას დაუპირისპირდება.

გასულ ტურში ამ გუნდების დაპირისპირება მიუნხენში შედგა და ნაგელსმანის გუნდმა ბარსელონა 2:0 დაამარცხა - აღნიშნულ შეხვედრაში მონაწილეობას ბაიერნის ყოფილი და ამჟამად კატალონიელთა შემტევი, რობერტ ლევანდოვსკიც იღებდა, რომელმაც გოლის გატანა ვერ მოახერხა.

სწორედ ამ თემას შეეხო მატჩისწინა პრესკონფერენციაზე ჩავი ერნანდესი:

"ეს მისთვის შურისძიების თამაშია, რადგან მიუნხენში გოლი არ გაუტანია. ლევანდოვსკისთვისაც და მთლიანად გუნდისთვის ეს მატჩი კარგი შესაძლებლობა იქნება", - განაცხადა ჩავიმ.