"ფლიკს ყოველთვის ვიცავდი, მაგრამ ახლა...", - მათეუსმა გერმანიის ნაკრების თამაში შეაფასა

გერმანიამ 2022 წლის მსოფლიო ჩემპიონატზე პირველი მატჩი მცირე სენსაციით დაიწყო - ჰანს ფლიკის გუნდი იაპონიასთან მინიმალური სხვაობით, 1:2 დამარცხდა.

აღნიშნული შეხვედრა ლეგენდარულმა გერმანელმა მოთამაშემ, ლოთარ მათეუსმაც შეაფასა:

"თუ ესპანეთთან ისე ვითამაშებთ, როგორც იაპონიასთნ, მაშინ მსოფლიო ჩემპიონატს გამოვეთიშებით.

გუნდი ექსტრემალურ სიტუაციაშია და მათზე მეტი წნეხია, ვიდრე ტურნირის დაწყებისას იყო. აუცილებლად უნდა გავიმარჯვოთ, ერთი ქულის მოპოვება დიდი ალბათობით საკმარისი არ იქნება.

ჰანს ფლიკის გვერდით ყოველთვის ვდგავარ, მაგრამ ამ თამაშში ბევრი მისი გადაწყვეტილება ვერ გავიგე. მწვრთნელმა საკუთარ თავს კითხვები უნდა დაუსვას!", - განაცხადა მათეუსმა.