"ბუნდესლიგა სანუგეშო პრიზი არ არის", - კანმა კრიტიკოსებს უპასუხა და ჭორებზეც ისაუბრა

მიუნხენის ბაიერნის გენერალურმა დირექტორმა, ოლივერ კანმა ბოლო პერიოდში საკუთარ თანამდებობასთან დაკავშირებულ ჭორებზე ჟურნალისტებთან ისაუბრა და ასევე ბუნდესლიგის ტიტულის მნიშვნელობასაც გაუსხვა ხაზი.

"ბუნდესლიგის ტიტული არ არის სანუგეშო პრიზი, როგორც ამას ზოგიერთი უწოდებს.

მე გარკვეული გამოცდილება დავაგროვე ბაიერნში, მათ შორის მაშინ, როცა ფეხბურთელი ვიყავი. ჩემი ყურადღება ახლა მხოლოდ გერმანიის ჩემპიონატზეა მიპყრობილი და ჭორებს ყურს არ ვუგდებ, მხოლოდ ამაზე ვარ ორიენტირებული.

ბაიერნში დისკუსიები მნიშვნელოვანი თემების გარშემო ყოველთვის მიმდინარეობს და აქ უჩვეულო ჩემთვის არაფერია, მაგრამ წინა პლანზე ბუნდესლიგის მოგება და ჩემპიონობაა", - განაცხადა კანმა.