იმ შემთხვევაში თუ ჟოაო პალინიას ტრანსფერი არ გამოვა - ვინ არის პორტუგალიელი ნახევარმცველის ალტერნატივა?

როგორც უკვე მოგახსენეთ, ფულემის ჩამშლელი ნახევარმცველი ჟოაო პალინია ამჟამად ბაიერნის მთავარი სატრანსფერო სამიზნეა - ადგილობრივი გამოცემების მტკიცებით, კლუბის მთელი ყურადღება სატრანსფერო ფანჯრის ამოწურვამდე სწორედ ამ ტრანსფერზეა მიპყრობილი.

მაგრამ, ყველაფერს ფეხბურთელის სატრანსფერო ღირებულება აფერხებს - ფულემი 28 წლის მოთამაშის სანაცვლოდ 70 მილიონ ევროს ითხოვს, რაც ბაიერნისთვის დიდი თანხაა, მითუმეტეს კეინში ახლახანს გადახდილი უზარმაზარი თანხის ფონზე.

თუ ბაიერნი პალინიას დამატებას ვერ შეძლებს, ალტერნატივად ერიკ დაიარეს განიხილავენ - ინგლისელი შუახაზელი ტუხელის პირველი ვარიანტი ნამდვილად არ არის, მაგრამ თუ უახლოეს პერიოდში პალინიასთან შეთანხმება ვერ შედგა, ბაიერნი დაიერზე გადაერთვება.