უეფამ ენტონი ტეილორის გადაწყვეტილება მართებულად გამოაცხადა

ევრო 2024-ის მეოთხედფინალური შეხვედრა, გერმანიასა და ესპანეთს შორის ესპანელების გამარჯვებით 1 - 2 დასრულდა. მატჩის ერთ-ერთ მომენტში ესპანეთის ნაკრების მცველს, მარკ კუკურელას ბურთი საჯარიმოში ხელზე მოხვდა, რის შემდეგაც მსაჯმა თამაში ყველანაირი გადამოწმების გარეშე გააგრძელა და პენალტი არ დანიშნა. ამას მოყვა გაუგებრობა და ფანების გაღიზიანება.



უეფამ კი ამ მატჩის მსაჯის, ენტონი ტეილორის გადაწყვეტილება მართებულად გამოაცხადა, რადგან "კუკურელას ხელი არ იმყოფებოდა არაბუნებრივ მდგომარეობაში იმ დროს, როდესაც ბურთი მას მოხვდა". ასე წერია ტურნირის წინ გაცემული მსაჯების ინსტრუქციებში.

უეფას წესებით, თუ მცველს ბურთი სხეულთან ახლოს და თითქმის ვერტიკალურ მდგომარეობაში მოხვდება, ჯარიმა ან პენალტი არ არის. ინსტრუქციის მიხედვით, ამას ხელის პოზიცია წყვეტს.