მიუნხენის "ბაიერნის" რიგებში კორონავირუსის შემთხვევები მოხშირდა. ამჯერად ტესტზე დადებითი პასუხი იოზუა ზირკზეს მიუვიდა.

კლუბის ოფიციალური საიტის ცნობით, ახალგაზრდა ფეხბურთელმა ტესტი დღეს ჩაიტარა, დადებითი პასუხის შემდეგ კი თვითიზოლაციაში გადავიდა.

შეგახსენებთ, რომ გასული კვირების განმავლობაში სერჟ გნაბრისა და ნიკლას ზულესაც დაუდგინდათ ვირუსი, თუმცა, ორივე მათგანს განმეორებითი ტესტის შემდეგ უარყოფითი პასუხი მიუვიდათ.

5-11-2020, 20:51

sandro

მეტის ნახვა

მიუნხენის "ბაიერნის" ლიდერმა, მანუელ ნოიერმა "დორტმუნდთან" მატჩამდე საინტერესო განცხადება გააკეთა.

"დორტმუნდი ბოლო წლების განმავლობაში ჩვენი მთავარი მეტოქეა. მე გელზერკიხენიდან ვარ და ამ გუნდთან განსაკუთრებული დაპირისპირება მაკავშირებს."

"ლევის უდიდესი გამოცდილება აქვს. ის საჯარიმოში უბრალოდ მკვლელი მონსტრია და ნებისმიერ წამს შეუძლია გოლის გატანა. ჰოლანდი უფრო მეტად უკანა ხაზიდან თამაშობს და თავისი სისწრაფის წყალობით ახერხებს მეტოქეთა დამწუხრებას."

"მათ შორის ერთი მთავარი განსხვავებაა, ლევანდოვსკის ორივე ფეხით შეუძლია ბრწყინვალედ თამაში. იმედი მაქვს, ჰოლანდი სიურპრიზებს არ დაგვახვედრებს შემდეგ მატჩში." - აცხადებს მანუ.

5-11-2020, 17:53

sandro

მეტის ნახვა

მოგეხსენებათ, რამდენიმე დღის წინ მიუნხენის "ბაიერნის" ცენტრალურ მცველს, ნიკლას ზულეს კორონავირუსი დაუდასტურდა.

როგორც ჩანს, ტესტმა არასწორი პასუხი აჩვენა. სულ ცოტა ხნის წინ ფეხბურთელმა განმეორებითი ტესტი ჩაიტარა და ამჯერად შედეგი უარყოფითი იყო.

შესაბამისად, ზულე შაბათს, დორტმუნდის "ბორუსიასთან" გასამართ შეხვედრაში გუნდის დახმარებას შეძლებს.

შეგახსენებთ, რომ კორონავირუსი რამდენიმე კვირის წინ სერჟ გნაბრისაც დაუდგინდა, თუმცა, 2 დღის შემდეგ მისი პასუხი ზულეს მსგავსად უარყოფითი იყო. როგორც ჩანს, გერმანიაში ტესტირების კუთხით გარკვეული ხარვეზები აქვთ.

5-11-2020, 17:36

sandro

მეტის ნახვა

ავტორიტეტულმა გამოცემა Whoscored-მა ჩემპიონთა ლიგის მესამე ტურის სიმბოლური ნაკრები გამოაქვეყნა.

აღსანიშნავია, რომ თერთმეტეულში მიუნხენის "ბაიერნის" მხრიდან ერთბაშად სამი ფეხბურთელი, ლუკას ერნანდესი, ჟერომ ბოატენგი და იოზუა კიმიხი მოხვდნენ.

სრული შემადგენლობა შემდეგნაირად გამოიყურება:

5-11-2020, 15:08

sandro

მეტის ნახვა

ბოლო დროს არ წყდება საუბრები იმის შესახებ, რომ ყაზანის "რუბინის" ქართველი ვინგერი, ხვიჩა კვარაცხელია ევროპულ გრანდში გააგრძელებს კარიერას. მათ შორის დორტუნდის "ბორუსიას" ვარიანტიც სახელდება.

სხვადასხვა რუსული გამოცემა, მათ შორის Championat ამ თემასთან დაკავშირებით მნიშვნელოვან სიახლეს ავრცელებს, რომლის მიხედვითაც "ყვითლები" მართლაც არიან 19 წლის ფეხბურთელის ტრანსფერით დაინტერესებული.

"მას დიდი ხანია რაც აკვირდებიან, თუმცა, ახლა უკვე რეალურად ყიდვაზე მიდის საუბრები."

"დიდი ალბათობით, ტრანსფერი ზამთარში ვერ შედგება, რადგან კლუბმა ვინმე უნდა გაყიდოს ხვიჩას შესაძენად." - განუცხადეს გამოცემას "დორტმუნდში".

შეგახსენებთ, რომ "ბაიერნსა" და "დორტმუნდს" შორის ისტორიის მანძილზე არაერთი ტრანსფერი განხორციელებულა და არ არის გამორიცხული, კვარაცხელიასთვის ეს ყველაფერი დიდი ტრამპლინი აღმოჩნდეს.

4-11-2020, 20:39

sandro

მეტის ნახვა

ჩემპიონთა ლიგის ჯგუფური ეტაპის მე-3 ტურში მიუნხენის "ბაიერნი" ავსტრიულ "ზალცბურგს" ესტუმრა და ანგარიშით 2:6 დაამარცხა.

მატჩი საკმაოდ დაძაბული გამოდგა და "რეკორდმაისტერმა" მხოლოდ ბოლო წუთებშიღა შეძლო მეტოქე გუნდის გატეხვა.

აღსანიშნავია, რომ მიუნხენურმა გრანდმა ამ შეხვედრაში უნიკალური რეკორდი დაამყარა. კერძოდ, "ბაიერნმა" გახდა ლიგის ისტორიაში პირველი კლუბი, რომელმაც ბოლო 15 წუთში 4 გოლის გატანა მოახერხა.

მოგეხსენებათ, მიუნხენელებმა 79-ე, 83-ე, 88-ე და 93-ე წუთებზე აიღეს მეტოქეთა კარი. ეს შედეგი კი როგორც ხედავთ, ისტორიაში საუკეთესოა.

4-11-2020, 20:35

sandro

მეტის ნახვა

ერლინ ჰოლანდი დღეს-დღეისობით მსოფლიოს ერთ-ერთი საუკეთესო ტალანტი და ფორვარდია. მის შესაძენად ევროპული გრანდები ნადირობენ. თუმცა, შესაძლოა, ისტორია სრულიად სხვაგვარად განვითარებულიყო.

გერმანული გამოცემა BILD-ის ინფორმაციით, მიუნხენის "ბაიერნი" ახალგაზრდა ფეხბურთელის დამატებასთან ორჯერ იყო ძალიან ახლოს - 2017 და 2019 წლებში.

მაშინ ერლინის მამამ, ალფ ინ ჰოლანდმა "რეკორდმაისტერს" თავისი შვილის ტრანსფერი შესთავაზა, თუმცა, ძირითად შემადგენლობაში გარკვეული გარანტირებული სათამაშო დრო მოითხოვა, რაზეც უარი მიიღო. შესაბამისად, საბოლოოდ მან ჯერ "ზალცბურგი", შემდეგ კი "დორტმუნდი" არჩია.

გარდა ამისა, ჰოლანდის ბორუსიული კონტრაქტი 4 წელიწადში ჯამში დაახლოებით 60 მილიონ ევროს მოიცავს (20 მილიონი სატრანსფერო თანხა, 3 მილიონი ბონუსი, 8 მილიონი ანაზღაურება). ეს კი "ბაიერნისთვის" ფინანსურად არ აწყობდა.

ახლა უკვე სიტუაცია შეიცვალა. 2022 წელს ჰოლანდის გამოსასყიდი ფასი ამოქმედდება, რომელიც 75 მილიონ ევროს შეადგენს. ლევანდოვსკი ამ დროს 34 წლის იქნება და დიდი ალბათობით, "ბაიერნი" ნორვეგიელი აწ უკვე შემდგარი ვარსკვლავის ტრანსფერს ეცდება.

4-11-2020, 16:34

sandro

მეტის ნახვა

მიუნხენის "ბაიერნის" სპორტულმა დირექტორმა, ჰასან სალიჰამიჯიჩმა დავიდ ალაბას მდგომარეობაზე სრულად ისაუბრა.

"ახლა გეტყვით სრულად, თუ რა ხდება. ჩვენ რამდენჯერმე გავუკეთეთ შეთავაზება, თუმცა, დავიდი უარზე იყო. 10 დღის წინ ახლიდან დავსხედით მოლაპარაკების მაგიდასთან და უკეთესი პირობები შევთავაზეთ, ოღონდ დედლაინით."

"ჩვენ გავაფრთხილეთ ალაბა და მისი აგენტი, რომ გარკვეული დრო ჰქონდათ მოსაფიქრებლად. შაბათს ვესაუბრე პინი ზაჰავის, კვირას კი უკვე თავად დავიდთან ვცადე საუბარი რადგან მსურდა გამეგო, თუ რა ხდებოდა. თუმცა, განსაკუთრებული არაფერი მომხდარა."

"არ ვიცი, რა მოხდება ამის შემდეგ. ჩვენ გავაკეთეთ შეთავაზება და უარი მივიღეთ, სავარაუდოდ, ამით ყველაფერი დასრულდა და დავიდი წავა."

"გარკვეულ ეტაპზე გვსურდა, რომ მალე მიგვეღო პასუხი, რათა სამომავლო გეგმები განგვესაზღვრა. ასე გავაკეთეთ სხვა ფეხბურთელების, ჟერომ ბოატენგის, ბენჟამინ პავარის, ლუკას ერნანდესის და სხვების შემთხვევაში."

"სატრანსფერო ფანჯარა კორონას პერიოდს დაემთხვა. რატომ არის გასაკვირი ის ფაქტი, რომ ალაბას ტრეიდში გამოყენება გვსურდა? ვიცოდით, რომ წასვლა უნდოდა და თუ მსგავსი ფეხბურთელი სეზონის ბოლოს სრულიად უფასოდ დაგტოვებს, ეს ნამდვილი საშინელებაა." - აცხადებს სალიჰამიჯიჩი.

4-11-2020, 16:24

sandro

მეტის ნახვა

სტატისტიკურმა კომპანია CIES-მა 2000 წლის შემდეგ დაბადებული ყველაზე ძვირადღირებული ფეხბურთელების ათეული გამოაქვეყნა.

საინტერესოა, რომ ჩამონათვალს მიუნხენის "ბაიერნის" ამომავალი ვარსკვლავი, ალფონსო დეივისი ლიდერობს, რომლის ღირებულებამაც 180 მილიონ ევროს გადააჭარბა.

სრული ათეული შემდეგნაირად გამოიყურება:

4-11-2020, 16:18

sandro

მეტის ნახვა

მიუნხენის "ბაიერნის" ვარსკვლავმა, ლეროი სანემ "ზალცბურგთან" მოგებული შეხვედრის შემდეგ პირველი კომენტარი გააკეთა.

"ანგარიშმა არ შეიძლება მოგვატყუოს. მეტოქემ ძალიან დიდი წინააღმდეგობა გაგვიწია. ვიცოდით, რომ რთული შეხვედრა გველოდა. "ზალცბურგი" ძალიან კარგად თამაშობდა კონტრ-შეტევებზე და თავისი შანსებიც გამოიყენეს."

"ვფიქრობ, 2-3 გოლით მეტი უნდა გაგვეტანა ადრევე და ასე უფრო მშვიდი შეხვედრა იქნებოდა."

"ალაბას სიტუაცია? მე ეს თემა არ მეხება. როგორც დავიდი, ასევე მეც მხოლოდ თამაშზე ვართ ორიენტირებულებები. ერთადერთი რისი თქმაც შემიძლია არის ის, რომ ალაბა ბრწყინვალე ადამიანი და პროფესიონალია." - აცხადებს სანე.

4-11-2020, 16:03

sandro

მეტის ნახვა

"ზალცბურგისა" და "ბაიერნის" შეხვედრის მეორე ტაიმის სტარტზე მანუელ ნოიერმა ბრწყინვალე სეივი შემოგვთავაზა.

იხილეთ ვიდეო სილკის კომენტატორების გახმოვანებით.

4-11-2020, 15:56

sandro

მეტის ნახვა

ფეხბურთი მსოფლიოში ყველაზე პოპულარული სპორტის სახეობაა. ამაზე მეტყველბს ის ფაქტიც, რომ მნიშვნელოვანი საფეხბურთო მოვლენების დროს თვით საკანონმდებლო და აღმასრულებელ ხელისუფლებაში მყოფი პოლიტიკოსებიც დიდი აქტიურობით გამოირჩევიან.

როგორც ჩანს, მიუნხენის "ბაიერნი" ქართველ პოლიტიკოსებში დიდი პოპულარობით არ გამოირჩევა. გამოკითხული კანდიდატებიდან ხმა "რეკორდმაისტერს" მხოლოდ გოგი თოფაძემ მისცა.

იხილეთ სრული სია:

მიხეილ სააკაშვილი ("ნაციონალური მოძრაობა") - კატალონიის "ბარსელონა"

აჰმედ იმამკულიევი ("ევროპული საქართველო") - მადრიდის "რეალი"

ზურაბ ჯაფარიძე ("გირჩი") - ლონდონის "არსენალი"

გოგი თოფაძე ("მრეწველები") - მიუნხენის "ბაიერნი"

ლევან ბერძენიშვილი ("რესპუბლიკელები") - ბრაზილიის ნაკრები, გამოკვეთილად არცერთ კლუბს არ გულშემატკივრობს.

გივი თარგამაძე ("ევროპული საქართველო") - ტურინის "იუვენტუსი"

ირაკლი კობახიძე ("ქართული ოცნება") - "ბარსელონა"

კახა კალაძე ("ქართული ოცნება") - "მილანი"

ბაჩუკი ქარდავა ("ეროვნული დემოკრატები") - მადრიდის "რეალი"

ირაკლი ალასანია (უპარტიო) - მადრიდის "რეალი"

იაგო ხვიჩია ("გირჩი") - კატალონიის "ბარსელონა"

გიგა ბოკერია ("ევრპული საქართველო") - არგენტინის ნაკრები, გამოკვეთილად არცერთ კლუბს არ გულშემატკივრობს.

4-11-2020, 15:29

sandro

მეტის ნახვა

ჩემპიონთა ლიგის ჯგუფური ეტაპის მესამე ტურში მიუნხენის "ბაიერნი" ავსტრიულ "ზალცბურგს" ესტუმრა და ანგარიშით 2:6 გაანადგურა.

"რეკორდმაისტერის" მხრიდან სრული, 90 წუთი გაატარეს მინდორზე გუნდის ლიდერებმა, იოზუა კიმიხიმა და მანუელ ნოიერმა. აღსანიშნავია, რომ მოთამაშეებმა ამ შეხვედრაში ისტორიული მიღწევა გაიმეორეს.

კერძოდ, კიმიხსა და ნოიერს ზედიზედ მე-14 მოგება დაუგროვდათ ჩემპიონთა ლიგაზე. ისტორიაში კი მსგავსი შედეგი მხოლოდ კრისტიანო რონალდუს აქვს დაფიქსირებული.

იმ შემთხვევაში, თუ შემდეგ შეხვედრას, რომელშიც ხსენებული ფეხბურთელები მიიღებენ მონაწილეობას, "ბაიერნი" მოიგებს, მაშინ ისინი ახალ რეკორდს დაამყარებენ.

4-11-2020, 14:37

sandro

მეტის ნახვა

მოგეხსენებათ, დავიდ ალაბას მიუნხენის "ბაიერნში" დარჩენის ალბათობა ძალიან მცირეა. ჰერბერტ ჰაინერის ბოლოდროინდელმა განცხადებებმა კი ეს კიდევ ერთხელ დაადასტურა.

გერმანული გამოცემა Sport1-ის ინფორმაციით, "რეკორდმაისტერმა" ავსტრიელი მცველი შემცვლელს ბუნდესლიგაში, კერძოდ კი "ლაიფციგის" რიგებში მიაგნო.

წყაროს ცნობით, გუნდის ერთ-ერთი მთავარი სამიზნე მომავალი სატრანსფერო ფანჯრის დროს დაიოტ უპამეკანო იქნება.

ფრანგმა ცენტრალურმა მცველმა, ბოლო 1 წლის განმავლობაში დიდი პროგრესი აჩვენა და გრანდების ყურადღება მიიპყრო. "ბაიერნი" მის შეძენას ზაფხულშიც ცდილობდა, თუმცა არ გამოუვიდა.

დიდი ალბათობით, მას შემდეგ, რაც მომავალ წელს ალაბა კლუბს დატოვებს, "ბაიერნი" აქტიურად გადაერთვება უპამეკანოს ტრანსფერზე.

3-11-2020, 15:32

sandro

მეტის ნახვა

დღეს, 3 ნოემბერს მიუნხენის "ბაიერნისა" და გერმანული ფეხბურთის ლეგენდას, გერდ მიულერს 75 წელი შეუსრულდა.

სამწუხაროდ, ვეტერანი ფეხბურთელის მდგომარეობა არცთუ სახარბიელოა. აღნიშნულ თემაზე გერდ მიულერის მეუღლემ, უში მიულერმა BILD-თან ისაუბრა.

"ის თითქმის არაფერს ჭამს, ძალიან მძიმედ ყლაპავს. თითქმის 24 საათის განმავლობაში წევს. იშვიათად იღვიძებს, ზოგჯერ კის და არას თქმას ახერხებს. სასიამოვნოა ყოველი წუთი, როდესაც ის იღვიძებს."

"ის ყოველთვის მებრძოლი და მამაცი იყო, მთელი ცხოვრების მანძილზე. ახლაც ასეა. თვალის გახელის მომენტში ის კვლავ ძილბურანშია, საკვებს ასე იღებს."

"გერდი მშვიდად არის, არ ვფიქრობ, რომ მას რაიმე სტანჯავს." - აცხადებს მიულერის მეუღლე.

3-11-2020, 14:33

sandro

მეტის ნახვა

ჩემპიონთა ლიგის ჯგუფური ეტაპის მესამე ტურში მიუნხენის "ბაიერნი" ავსტრიულ "ზალცბურგს" ესტუმრება.

"რეკორდმაისტერის" მთავარმა მწვრთნელმა, ჰანს ფლიკმა მატჩამდე ერთი დღით ადრე განაცხადი დაასახელა.

აღსანიშნავია, რომ შემადგენლობაში ვერ მოხვდა ლეონ გორეცკა, რომელსაც მიკროტრავმა აწუხებს და ამ მიზეზით უწევს გამოტოვება. ასევე სიაში არ არის ნიკლას ზულეც, რომელსაც კორონავირუსი დაუდასტურდა.

სრული განაცხადი შემდეგნაირად გამოიყურება:

2-11-2020, 23:31

sandro

მეტის ნახვა