ჩემპიონთა ლიგის პირველ ტურში მიუნხენის "ბაიერნმა" მადრიდის "ატლეტიკოს" უმასპინძლა და ანგარიშით 4:0 გაანადგურა.

შეხვედრის პირველ ტაიმში "რეკორდმაისტერის" ლიდერმა, თომას მიულერმა საკმაოდ საკამათო სიტუაციაში ყვითელი ბარათი მიიღო, რაც მან გააპროტესტა. ამ ეპიზოდს სოციალურ ქსელებში დიდი გარჩევა მოჰყვა, რაზეც ერთ-ერთმა ფეხბურთის გულშემატკივარმა ასეთი შინაარსის კომენტარი დაწერა:

"უხეში დარღვევა, სრულიად დამსახურებული ყვითელი ბარათი. და თომასის სიტყვები სრულიად საშინელება იყო. მადლობა თქვი, რომ მსაჯმა ვერ გაიგო, თორემ შხაპს ნაადრევად მიიღებდი." - წერს ერთ-ერთი ფანი.

ამ კომენტარს მიულერმა მარტივად, მხოლოდ ერთი ე.წ. ღიმილის emoji-ს დახმარებით უპასუხა - ?.

 

22-10-2020, 12:57

sandro

მეტის ნახვა

მადრიდის "ატლეტიკოს" მთავარმა მწვრთნელმა, დიეგო სიმეონემ "ბაიერნთან" განცდილი მძიმე მარცხის შემდეგ პირველი კომენტარი გააკეთა.

"არც კი ვიცი რატომ დავუშვით ამდენი შეცდომები, თუ ეს უბრალოდ მეტოქის ვირტუოზული თამაშის წყალობით მოხდა. უბრალოდ, მათ ყველაფერი გამოსდიოდათ."

"დღევანდელ მატჩში გუნდებს შორის განსხვავება მხოლოდ ეს იყო, "ბაიერნმა" თავისი შანსები გამოიყენა. თუმცა, ჩვენ ბოლომდე ვცდილობდით გოლის გატანას."

"სევილია სულ ცოტა ხნის წინ ეთამაშა ამ გუნდს და კინაღამ, სუპერთასის ტიტულიც აართვა. ჩვენ კი მწარე მარცხი განვიცადეთ. ამ თამაშიდან დასკვნები უნდა გამოვიტანოთ." - აცხადებს ჩოლო.

22-10-2020, 12:46

sandro

მეტის ნახვა

მიუნხენის "ბაიერნის" მთავარმა მწვრთნელმა, ჰანს ფლიკმა მადრიდის "ატლეტიკოს" გამარჯვების შემდეგ პირველი კომენტარი გააკეთა.

"ძალიან კარგად ვითამაშეთ. ისეთ გუნდს დავუპირისპირდით, რომელიც დაცვაში ბრწყინვალედ თამაშობს, თუმცა, ჩვენი თამაში დამაგვირგვინებელ ფაზაში ფანტასტიკური იყო."

"გახარებული ვარ ჩემი გუნდის თამაშით და ულამაზესი გოლებით. უმნიშვნელოვანესი 3 ქულა მოვიპოვეთ."

"მეტოქის მიერ დატოვებული სივრცეები კარგად გამოვიყენეთ. ისინი ძალიან მარლა იყვნენ ამოწეულები და ამით ვისარგებლეთ."

"თომასმა კარგად იცის სად უნდა დადგეს. ის მატჩის მიმდინარეობს თან გუნდს წვრთნის, მოძღვრავს. შეიძლება ითქვას, რომ მიულერი მწვრთნელისთვის დამატებითი ხელია." - აცხადებს ფლიკი.

22-10-2020, 01:54

sandro

მეტის ნახვა

მიუნხენის "ბაიერნმა" ჩემპიონთა ლიგის გახსნით ტურში მადრიდის "ატლეტიკოს" უმასპინძლა და ანგარიშით 4:0 გაანადგურა.

გთავაზობთ ქართველი გულშემატკივრების სახალისო კომენტარებს ამ მატჩის შესახებ.


კითხვა: "ვინ შეძლებს ბაიერნის გაჩერებას?"

პასუხები:

22-10-2020, 01:42

sandro

მეტის ნახვა

ჩემპიონთა ლიგის ჯგუფური ეტაპის პირველ ტურში მიუნხენის "ბაიერნმა" მადრიდის "ატლეტიკოს" უმასპინძლა და 4:0 გაანადგურა.

"რეკორდმაისტერის" მორიგ დამაჯერებელ გამარჯვებას კატალონიის "ბარსელონას" ახალგაზრდა ფეხბურთელი, აარონ ვესტი ხუმრობით გამოეხმაურა.

"ჰელოუინისთვის ვაპირებ, რომ "ბაიერნის" ფორმაში გამოვეწყო." - წერს ვესტი სოციალურ ქსელში.

შეგახსენებთ, რომ თავის მხრივ "ბარსა" გერმანულმა გიგანტმა დაახლოებით 2 თვის წინ ანგარიშით 8:2 გაანადგურა.

22-10-2020, 01:29

sandro

მეტის ნახვა

მიუნხენის "ბაიერნმა" ჩემპიონთა ლიგის გახსნით ტურში 4:0 დაამარცხა მადრიდის "ატლეტიკო".

შეხვედრის ბოლოს სტუმართა ლიდერმა, ჟოაო ფელიშმა სასტვენის შემდეგ უძლიერესად დაარტყა. მიუხედავად იმისა, რომ ბურთის კარში გასვლის შემთხვევაში გოლი მაინც არ ჩაითვლებოდა, ნოიერმა მაყურებელი გაახალისა და ულამაზეს სტილში ბურთი მოიგერია.

იხილეთ ვიდეო.

22-10-2020, 00:57

sandro

მეტის ნახვა

ჩემპიონთა ლიგის გახსნით ტურში მიუნხენის "ბაიერნმა" მადრიდის "ატლეტიკოს" ესტუმრა და ანგარიშით 4:0 გაანადგურა.

გთავაზობთ "რეკორდმაისტერის" ფეხბურთელების შეფასებებს გამოცემა Whoscored-ის ვერსიით:

22-10-2020, 00:49

sandro

მეტის ნახვა

კორენტინო ტოლისომ ანგარიშში სხვაობა სამამდე გაზარდა.

იხილეთ ვიდეო.

22-10-2020, 00:26

sandro

მეტის ნახვა

მიუნხენის "ბაიერნისა" და მადრიდის "ატლეტიკოს" შეხვედრის პირველ ტაიმში ლეონ გორეცკამ სხვაობა ორამდე გაზარდა - 2:0.

იხილეთ ვიდეო.

21-10-2020, 23:45

sandro

მეტის ნახვა

მიუნხენის "ბაიერნისა" და მადრიდის "ატლეტიკოს" შეხვედრის 28-ე წუთზე კინგსლი კომანმა იოზუა კიმიხის ბრწყინვალე გადაცემის შემდეგ ანგარიში გახსნა.

იხილეთ ვიდეო.

21-10-2020, 23:32

sandro

მეტის ნახვა

ჩემპიონთა ლიგის გახსნით ტურში მიუნხენის "ბაიერნი" მადრიდის "ატლეტიკოს" დაუპირისპირდება.

მატჩის დაწყებამდე ერთი საათით ადრე "რეკორდმაისტერის" დამრიგებელმა, ჰანს ფლიკმა სასტარტო თერთმეტეული დაასახელა.

ნოიერი - პავარი, ზულერ, ალაბა, ერნანდესი - კიმიხი, გორეცკა - მიულერი, ტოლისო, კომანი - ლევანდოვსკი.

21-10-2020, 21:46

sandro

მეტის ნახვა

მიუნხენის "ბაიერნმა" ტიაგო ალკანტარას გაყიდვის შემდეგ მარკ როკა დაიმატა. თუმცა, ესპანელი ნახევარმცველი გუნდის პირველ ოფციად ნაკლებად განიხილება და მას უფრო მეტად სათადარიგოთა სკამზე მოიაზრებენ.

გერმანული გამოცემების ინფორმაციით, ტიაგოს შემცვლელად "რეკორდმაისტერს" ახალი ფეხბურთელის მოყვანა სურს და ეს დენის ზაკარია გახლავთ.

23 წლის შვეიცარიელი ნახევარმცველი უკვე წლებია "გლადბახის" ღირსებას იცავს და საკმაო წარმატებითაც. მას უდიდეს მომავალს უწინასწარმეტყველებენ და ფლიკს სურს, რომ ფეხბურთელი თავის გუნდში იხილოს.

წყაროს ცნობით, ზაკარიას დამატება "ბაიერნის" გარდა ასევე ლონდონის "ჩელსის" და "მანჩესტერ იუნაიტედსაც" სურთ. ფეხბურთელის სატრანსფერო ღირებულება Transfermarkt-ზე 40 მილიონ ევროდ არის შეფასებული.

21-10-2020, 20:12

sandro

მეტის ნახვა

მოგეხსენებათ, მიუნხენის "ბაიერნმა" გასული სატრანსფერო ფანჯრის დროს არაერთი ფეხბურთელი დაიმატა, თუმცა, ტრანსფერების უმრავლესობა ფანჯრის ბოლო დღეს მოხდა. როგორც ჩანს მიზეზი თავად "რეკორდმაისტერის" მოთამაშეები არიან.

გერმანული გამოცემა Bild-ის ინფორმაციით, ფეხბურთელები ფანჯრის დახურვამდე დაახლოებით 10 დღით ადრე კლუბის ხელმძღვანელობას შეხვდნენ და ტრანსფერების განხორციელება მოსთხოვეს.

წყაროს ცნობით, ფეხბურთელების მხრიდან შეხვედრაში მონაწილეობას იღებდნენ მანუელ ნოიერი, რობერტ ლევანდოვსკი, იოზუა კიმიხი, თომას მიულერი და დავიდ ალაბა. ხელმძღვანელობის მხრიდან კი - ჰასან სალიჰამიჯიჩი, ოლივერ კანი, ჰერბერტ ჰაინერი და კარლ-ჰაინც რუმენიგე.

მოთამაშეების დიალოგი საუბარი მანუელ ნოიერმა გახსნა. მან ღიად დააფიქსირა პოზიცია, რომ გუნდის სიღრმე საკმარისი არ იყო და ახალი ფეხბურთელები ესაჭიროებოდათ.

როგორც ხედავთ, "ბაიერნის" ხელმძღვანელობამ ეს მოთხოვნა გაითვალისწინა და სატრანსფერო ფანჯრის ბოლო დღეს დუგლას კოშტა, ერიკ ჩუპო-მოტინგი და მარკ როკა დაიმატა.

21-10-2020, 14:06

sandro

მეტის ნახვა

მოგეხსენებათ, დღეს მიუნხენის "ბაიერნის" ლიდერს, სერჟ გნაბრის კორონავირუსი დაუდასტურდა.

გერმანული გამოცემების ინფორმაციით, 25 წლის ვინგერს დადებითი პასუხი მას შემდეგ მიუვიდა, რაც მან გუნდთან ერთად ვარჯიში ჩაატარა. ეს კი დიდ პრობლემებს უქმნის გუნდს.

პირველ რიგში, მიუნხელთა გუნდის ყველა წევრი ვირუსით დაინფიცირების საშიშროებისაა.

გარდა ამისა, რამდენიმე გამოცემამ ივარაუდა, რომ ხვალ, "ატლეტიკოსთან" მატჩი საერთოდ აღარ ჩატარდეს და შესაძლოა, კლუბს ტექნიკური წაგებაც ჩაეთვალოს. თუმცა, მიუნხენელებს ამ ვერსიის არ სჯერათ და ხვალ ჩვეულებრივად მოემზადებიან შეხვედრისთვის.

UEFA-ს რეგულაციების მიხედვით, გუნდს მინიმუმ 13 ჯანმრთელი ფეხბურთელი უნდა ჰყავდეს განაცხადში მატჩის ჩასატარებლად. შესაბამისად, საბოლოო პასუხი ხვალ, კორონავირუსის ტესტის ჩატარების შემდეგ გაირკვევა.

21-10-2020, 00:54

sandro

მეტის ნახვა

21 ოქტომბერს ჩემპიონთა ლიგის ჯგუფურ ეტაპზე მიუნხენის "ბაიერნი" ჩაერთვება, რომელიც გახსნით ტურში მადრიდის "ატლეტიკოს" დაუპირისპირდება.

თამაშამდე ერთი დღით ადრე კლუბის ოფიციალურმა გვერდმა დაადასტურა, რომ "რეკორდმაისტერის" ახალგაზრდა გარემარბს, სერჟ გნაბრის კორონავირუსი დაუდგინდა.

როგორც ცნობილია, 25 წლის ფეხბურთელმა დღეს ტესტი ჩაიტარა, რის შემდგომაც მას დადებითი პასუხი მიუვიდა.

გნაბრის პასუხი მას შემდეგ მიუვიდა, რაც მან გუნდთან ერთად ვარჯიში ჩაატარა. შესაბამისად, სხვა ფეხბურთელები ხვალ განმეორებით ტესტებს ჩაიტარებენ. თავად მოთამაშეს კი 10 დღის განმავლობაში მოუწევს იზოლაციაში ყოფნა.

20-10-2020, 22:25

sandro

მეტის ნახვა

მიუნხენის "ბაიერნის" ოფიციალურმა გვერდმა ჩემპიონთა ლიგის ყველა დროსი რეიტინგი გამოაქვეყნა.

აღსანიშნავია, რომ ჩამონათვალში "რეკორდმაისტერი" მეორე ადგილს იკავებს და მხოლოდ და მხოლოდ ყველაზე ტიტულოვან კლუბს ევროასპარეზზე, მადრიდის "რეალს" ჩამორჩება.

რეიტინგი ტურნირის დაწყების დღიდან ითვლება და მასში გათვალისწინებულია ჩატარებული მატჩების რაოდენობა, მოგებული თამაშები და ტიტულები.

სრული ათეული შემდეგნაირად გამოიყურება:

20-10-2020, 20:41

sandro

მეტის ნახვა