რომის "ლაციოსთან" მოგებული შეხვედრის შემდეგ მიუნხენის "ბაიერნმა" ჩემპიონთა ლიგის მორიგი საოცარი რეკორდი დაამყარა.

კერძოდ, "რეკორდმაისტერს" ტურნირზე უკვე ზედიზედ 17 მატჩია რაც გასვლით შეხვედრებში არ წაუგია, მსგავსი შედეგი კი ისტორიაში არცერთ გუნდს არ ჰქონია.

ეს რეკორდი 2017 წელს, გლაზოს "სელტიკთან" 1:2 მოგებულ მატჩში დაიწყო და დღემდე გრძელდება. ამ პერიოდის მანძილზე "ბაიერნმა" 17 თამაშიდან 13-ში იმარჯვა და მხოლოდ 4 დაასრულა ფრედ.

ამ დრომდე რეკორდი "მანჩესტერს" ეკუთვნოდა, რომლის წაუგებელი სერიაც 2007 წლიდან 2010 წლამდე გაგრძელდა და 16 მატჩი შეადგინა.

24-02-2021, 02:35

sandro

მეტის ნახვა

მიუნხენის "ბაიერნის" ნახევარმცველმა, ლეონ გორეცკამ "ლაციოს" დამარცხების შემდეგ პირველი კომენტარი გააკეთა.

"ძალიან გახარებული ვარ ასეთი დიდებული თამაშით. ჩვენ თამაშში კარგად ჩავერთეთ. დღეს სწორი მიმართულებით პირველი ნაბიჯი გადავდგით."

"ძალიან მნიშვნელოვანი მატჩი გახლდათ. პირველივე წუთებიდან მეტოქეს ვაგრძნობინეთ, რომ მათ არაფრის მიღწევა არ შეეძლოთ."

"მუსიალა სასტარტო შემადგენლობაში მოხვედრის გამო ძალიან ბედნიერი იყო. ყველა ვცდილობდით, რომ თავისუფლად ეთამაშა, წნეხის გარეშე. მე და იოზუა კი მის ზურგს ვიცავდით და ვფიქრობ, ეს გამოგვივიდა." - აცხადებს გორეცკა.

24-02-2021, 02:25

sandro

მეტის ნახვა

სულ ცოტა ხნის წინ დასრულდა ჩემპიონთა ლიგის 1/8 ფინალური ეტაპის შეხვედრა, რომელშიც მიუნხენის "ბაიერნი" სტუმრად რომის "ლაციოს" დაუპირისპირდა და 1:4 გაანადგურა.

"რეკორდმაისტერის" მხრიდან მეორე გოლის ავტორი ჯამალ მუსიალა გახლავთ, რომელმაც ამ შეხვედრაში საოცარი რეკორდი დაამყარა.

კერძოდ, 17 წლისა და 363 დღის ასაკში ის გახდა ყველაზე ახალგაზრდა ფეხბურთელი გერმანული კლუბის ისტორიაში, რომელმაც ჩემპიონთა ლიგაზე გოლის გატანა შეძლო.

ასევე ის ზოგადად ჩემპიონთა ლიგის ყველაზე ახალგაზრდა გოლის ავტორთა სიაშიც შევიდა და მე-9 ადგილზე დამკვიდრდა.

24-02-2021, 02:09

sandro

მეტის ნახვა

ჩემპიონთა ლიგის 1/8 ფინალური ეტაპის პირველ მატჩში მიუნხენის "ბაიერნი" რომის "ლაციოს" ესტუმრა და ანგარიშით 1:4 გაანადგურა.

გთავაზობთ ფეხბურთელების შეფასებებს გამოცემა Whoscored-ის ვერსიით:

24-02-2021, 01:52

sandro

მეტის ნახვა

"ლაციოსა" და "ბაიერნის" შეხვედრის მეორე ტაიმის სტარტზე საოცარი კონტრ შეტევის შემდეგ "რეკორდმაისტერმა" მეოთხე გოლი გაიტანა.

იხილეთ ვიდეო.

24-02-2021, 01:16

sandro

მეტის ნახვა

რომის "ლაციოსა" და მიუნხენის "ბაიერნის" შეხვედრის მე-9 წუთზე რობერტ ლევანდოვსკიმ ანგარიშის გახსნა მოახერხა.

საინტერესოა, რომ პოლონელმა ფორვარდმა ლეგენდარულ რაულ გონსალეს ბლანკოს გადაასწრო და ჩემპიონთა ლიგის ბომბარდირთა სიაში მე-3 ადგილზე გადაინაცვლა.

ლევანდოვსკის უკვე ტურნირის ისტორიაში 72 გოლი დაუგროვდა და ესპანელის მაჩვენებელი 1-ით გააუმჯობესა.

"ბაიერნის" ფორვარდზე წინ მხოლოდ კრისტიანო რონალდუ და ლეო მესი არიან, შესაბამისად 134 და 119 გოლებით.

24-02-2021, 00:36

sandro

მეტის ნახვა

"ლაციოსა" და "ბაიერნის" შეხვედრის 25-ე წუთზე ჯამალ მუსიალამ ულამაზესი გოლით სხვაობა ორამდე გაზარდა.

იხილეთ ვიდეო.

24-02-2021, 00:28

sandro

მეტის ნახვა

"ლაციოსა" და "ბაიერნის" შეხვედრის საწყის წუთებში რობერტ ლევანდოვსკიმ დაცვის საოცარი შეცდომით ისარგებლად ანგარიში გახსნა.

იხილეთ ვიდეო.

24-02-2021, 00:16

sandro

მეტის ნახვა

ჩემპიონთა ლიგის 1/8 ფინალური ეტაპის პირველ მატჩში მიუნხენის "ბაიერნი" რომში "ლაციოს" დაუპირისპირდება.

მატჩის დაწყებამდე 1 საათით ადრე გუნდების მთავარმა მწვრთნელებმა სასტარტო შემადგენლობები დაასახელეს.

"ლაციო": რეინა - პატრიკი, აჩერბი, მუსაკიო - ლუკას ლეივა - ლაზარბ, მილინკოვიჩ სავიჩი, ლუის ალბერტო, მარუშიჩი - კორეა, იმობილე.

"ბაიერნი": ნოიერი - ზულე, ბოატენგი, ალაბა, დეივისი - კიმიხი, გორეცკა - სანე, მუსიალა, კომანი - ლევანდოვსკი.

23-02-2021, 22:53

sandro

მეტის ნახვა

თბილისის დროით 23:59 საათზე ჩემპიონთა ლიგის პირველი 1/8 ფინალური ეტაპის შეხვედრა გაიმართება, რომელშიც მიუნხენის "ბაიერნი" რომის "ლაციოს" ესტუმრება.

იტალიელი გულშემატკივრები ამ მატჩისთვის განსაკუთრებით მოემზადნენ. სოციალურ ქსელში ლაციალეების ვიდეო გავრცელდა, სადაც ისინი რომის ქუჩებში არიან გამოფენილები საკუთარი გუნდის საქომაგოდ.

იხილეთ ვიდეო.

23-02-2021, 22:36

sandro

მეტის ნახვა

ჩემპიონთა ლიგის 1/8 ფინალურ ეტაპზე მიუნხენის "ბაიერნი" რომის "ლაციოს" დაუპირისპირდება. მიუხედავად ორივე კლუბის საკმაოდ დიდი ისტორიისა, დღეს მათ შორის პირველი შეხვედრა შედგება.

საინტერესოა, როგორ გამოიყურება "რეკორდმაისტერის" სტატისტიკა ზოგადად, იტალიური კლუბების წინააღმდეგ.

პირველად მიუნხენური გრანდი იტალიურ კლუბს 1967/68 წლების სეზონში შეხვდა. "ბაიერნმა" თასების თასის 1/2 ფინალის პირველი მატჩი "მილანთან" 2:0 წააგო, შინ კი თამაში უგოლოდ დასრულდა და შემდეგ ეტაპზეც "როსონერი" გავიდა.

ყველაზე მტკივნეული მარცხი მიუნხენურმა გრანდმა, ალბათ 2010 წელს განიცადა, როდესაც ჩემპიონთა ლიგის ფინალში მილანის "ინტერთან" 2:0 დამარცხდა.

სამაგიეროდ, მას შემდეგ "ბაიერნი" იტალიურ კლუბებს 10 მატჩში დაუპირისპირდა და მხოლოდ ერთხელ დამარცხდა.

ასევე სასიამოვნოდ უნდა ახსოვდეთ გუნდის გულშემატკივრებს ბოლო სტუმრობა "სტადიო ოლიმპიკოზე". 2014 წელს ჩემპიონთა ლიგის ჯგუფურ ეტაპზე "რომას" წინააღმდეგ "ბაიერნმა" 1:7 იმარჯვა.

ბოლო იტალიური მეტოქე, რომელიც "ბაიერნს" შეხვდა, ტურინის "იუვენტუსი" გახლავთ. 2015/16 წლების ჩემპიონთა ლიგის 1/8 ფინალში მიუნხენურმა გრანდმა საოცარი ქამბექი შემოგვთავაზა და ორი მატჩის ჯამში 6:4 იმარჯვა.

საბოლოო ჯამში, "ბაიერნი" ევროთასების ისტორიაში ორმოცდაერთჯერ დაუპირისპირდა იტალიურ კლუბს საიდანაც 17 გამარჯვება "რეკორდმაისტერს" დარჩა, 15 კი მოწინააღმდეგეს. ბურთების სხვაობაც გერმანელთა სასარგებლოდაა - 65 გატანილი 53 გაშვებულის წინააღმდეგ.

23-02-2021, 17:00

sandro

მეტის ნახვა

გერმანული გამოცემების ინფორმაციით, მიუნხენის "ბაიერნის" ამომავალმა ვარსკვლავმა, ჯამალ მუსიალამ ეროვნული ნაკრების შესახებ გადაწყვეტილება მიიღო.

წყაროს ცნობით, იოახიმ ლიოვმა 17 წლის ფეხბურთელის დარწმუნება მოახერხა და ამიერიდან ის გერმანიის ეროვნულ გუნდში ითამაშებს.

მოგეხსენებათ, მუსიალას როგორც ბუნდესნაკრებში, ასევე ინგლისშიც შეეძლო თამაში და ამ დრომდე სწორედ ბრიტანელთა ახალგაზრდულ ნაკრებებში გამოდიოდა. თუმცა, საბოლოო გადაწყვეტილებით მუსიალამ გერმანია აირჩია.

მომავალ თვეში მსოფლიოს ჩემპიონატის შესარჩევი ეტაპი აიღებს სტარტს და დიდი ალბათობით, მუსიალას დებიუტი გერმანიაში სწორედ ამ პერიოდში შედგება.

23-02-2021, 00:03

sandro

მეტის ნახვა

ლეგენდარულმა ნიდერლანდელმა თავდამსხმელმა, მარკო ვან ბასტენმა რობერტ ლევანდოვსკი და ერლინ ჰოლანდი შეადარა ერთმანეთს.

"ჰოლანდი არის ახალი ლევანდოვსკი? ვფიქრობ, ის უკეთესია ვიდრე პოლონელი."

"თავის ასაკში ერლინი უკვე ნამდვილი დომინანტია. ჩემი აზრით, მას გაცილებით უფრო მეტის გაკეთება და მიღწევა, ვიდრე ჩვენ წარმოგვიდგენია."

"ის ნამდვილი ინტელიგენტია, რომელსაც აქვს ძალიან კარგი ტექნიკა და გააქვს უამრავი გოლი. ჰოლანდი განსაკუთრებული ბიჭია." - აცხადებს ვან ბასტენი.

22-02-2021, 18:30

sandro

მეტის ნახვა

მიუნხენის "ბაიერნის" მთავარმა მწვრთნელმა, ჰანს ფლიკმა ჩემპიონთა ლიგის მატჩისწინა პრესკონფერენცია ჩაატარა.

"მე არ ვარ ის ადამიანი, რომელიც ბოდიშებს იხდის. პირველი ტაიმები ბოლო მატჩებში ცუდი იყო. თუმცა, ახლა ჩემპიონთა ლიგაა და საუკეთესო თამაში უნდა ვაჩვენოთ."

"ნიკლასს გარკვეული ტრავმა აწუხებს. შესაძლოა, იოზუამ ითამაშოს დაცვის მარჯვენა ფლანგზე, თუმცა, ჯერ საბოლოო გადაწყვეტილება არ მიგვიღია."

"ლეონ გორეცკა სასტარტო თერთმეტეულში იქნება ხვალ. ვირუსის შემდეგ დაბრუნება მარტივი არ ყოფილა, თუმცა, მან "აინტრახტთან" ძალიან კარგად ითამაშა."

"მე მინდა, რომ ჩემმა გუნდმა ხვალ მატჩის დასაწყისიდანვე სწორი ფეხბურთი ითამაშოს და გამოიღვიძოს. სრულად ვენდობი ჩემს ფეხბურთელებს."

"ლაციოს თამაშები ნანახი და გარჩეული გვაქვს, მათ შორის "დორტმუნდთან" დაპირისპირებაც. ასევე გვეხმარება კლოზეს რჩევებიც, რომელიც ამ გუნდში თამაშობდა და მწვრთნელსა და თვითონ გუნდს კარგად იცნობს." - აცხადებს ფლიკი.

22-02-2021, 18:25

sandro

მეტის ნახვა

რომის "ლაციოს" ლიდერმა, ჩირო იმობილემ "ბაიერნთან" დაპირისპირებამდე პრესასთან ისაუბრა.

"საუკეთესოებთან დაპირისპირება ყოველთვის მეტ მოტივაციას გაძლევს. რა თქმა უნდა, რთული მატჩი გველოდება, მაგრამ, ჩვენს სათამაშო სტილს არ შევცვლით. ყველაფერს გავაკეთებთ ორი მატჩის ჯამში გასასვლელად."

"ბაიერნი სუპერ შემტევი გუნდია, რომელიც ყოველთვის ქმნის სახიფათო მომენტებს შენს კართან. ამას უნდა ვუფრთხილდეთ და ვეცადოთ, რომ ჩვენი მომენტები მაქსიმალურად გამოვიყენოთ."

"რა მომწონს ყველაზე მეტად ლევანდოვსკიში? ის არასდროს არის კმაყოფილი. ყოველ წელს ის ცდილობს განვითარდეს და ლიმიტი არ დაუწესოს თავის თავს. ეს აღმაფრთოვანებელია. ვფიქრობ, ის ამჟამად მსოფლიოს საუკეთესო თავდამსხმელია." - აცხადებს ჩირო.

22-02-2021, 18:18

sandro

მეტის ნახვა

მიუნხენის "ბაიერნის" გარემარბმა, კინგსლი კომანმა "ლაციოსთან" ჩემპიონთა ლიგის მატჩამდე პრესკონფერენციაზე ისაუბრა.

"ჩემპიონთა ლიგის ფინალის შემდეგ გუნდის დამოკიდებულება ჩემს მიმართ არ შეცვლილა. ვფიქრობ, მანამდე და მას შემდეგ მე ერთ-ერთი მნიშვნელოვანი წევრი ვარ. უბრალოდ, ახლა უფრო მეტი თავდაჯერებულობა მაქვს."

"ბოლო მატჩები ოდნავ დამღლელი იყო და ტრავმების გამო არაერთი მოთამაშე დაგვაკლდა. თუმცა, ხვალ ჩემპიონთა ლიგაა და ყველაფერს გავაკეთებთ მოსაგებად."

"კორონავირუსისგან თავის ასაცილებლად არაერთი წესი გვაქვს. ასევე ბევრი ტესტი ტარდება. თუმცა, ეს ხელს არ გვიშლის მომავალი მატჩისთვის სრულად მომზადებაში."

"ტოლისო რთულ სიტუაციაში და ვიცი რას გრძნობს ის ახლა. ვიცი, როგორი რთულია ტრავმის შემდეგ დაბრუნება, თუმცა, მან თავისი მაქსიმუმი უნდა გაიღოს." - აცხადებს კომანი.

22-02-2021, 18:15

sandro

მეტის ნახვა