ერთა ლიგის 2020 წლის გათამაშების მესამე ტურში გერმანიის ეროვნული ნაკრები უკრაინას სტუმრობს.

გთავაზობთ შეხვედრის საყურებელ ლინკებს:

​ლინკი 1 (სილკ სპორტ 1)​​​

​ლინკი 2​​​

​ლინკი 3​​​

​ლინკი 4​​​

10-10-2020, 22:33

sandro

მეტის ნახვა

ერთა ლიგის 2020 წლის გათამაშების მესამე ტურში გერმანიის ეროვნული ნაკრები უკრაინას სტუმრობს.

მატჩის დაწყებამდე ერთი საათით ადრე ბუნდესნაკრების მთავარმა მწვრთნელმა, იოახიმ ლიოვმა სასტარტო თერთმეტეული დაასახელა.

ნოიერი - გინტერი, ზულე, რუდიგერი - კლოსტერმანი, კიმიხი, კროოსი, ჰოლშტენბერგი - გორეცკა - გნაბრი, დრაქსლერი.

10-10-2020, 21:44

sandro

მეტის ნახვა

ლეგენდარულმა ფრანგმა სპეციალისტმა, არსენ ვენგერმა მიუნხენის "ბაიერნთან" დაკავშირებით საინტერესო განცხადება გააკეთა.

"არ მსურს ვინმე დავაკნინო, მაგრამ, "ბაიერნის" ამჟამად საუკეთესოების მიზეზი სხვა გუნდების დასუსტებაა. "რეალი" და "ბარსელონა" საკმაოდ შესუსტებულები არიან. ამ მომენტში სხვა ძლიერი გრანდი არ არსებობს."

"ფილიპ ლამი, რობენი, რიბერი, შვაინშტაიგერი, კროოსი. მათ 2013 წელსაც დიდებული შემადგენლობა ჰყავდათ. ახლანდელ გუნდს კვლავ შეუძლია განვითარება, თუმცა, არ ვიცი, მიაღწევენ თუ არა მათ დონეს." - აცხადებს ვენგერი.

10-10-2020, 20:16

sandro

მეტის ნახვა

მოგეხსენებათ, მიმდინარე სეზონის დასრულების შემდეგ დავიდ ალაბას მიუნხენის "ბაიერნთან" კონტრაქტი ეწურება. გამოცემა Sport1 ავსტრიელი ფეხბურთელის მომავალზე მნიშვნელოვან დეტალებს აქვეყნებს.

წყაროს ცნობით, მხარეებს შორის ახალი კონტრაქტის თაობაზე შეთანხმება კვლავ ვერ ხერხდება. "რეკორდმაისტერი" ფეხბურთელს გარანტირებულ 11 მილიონ ევროსა და ბონუსის სახით 6 მილიონ ევროს სთავაზობს, მისი მოთხოვნები კი გაცილებით უფრო მაღალია.

გარდა ამისა, ალაბას მოთხოვნების სიას დაემატა აგენტის გადასახადიც. იმ შემთხვევაში, თუ ახალი კონტრაქტი გაფორმდება, პინი ზაჰავი ბონუსის სახით 1 მილიონ ევროს ითხოვს.

თავის მხრივ საინტერესოა ჰანს ფლიკის პოზიციაც. წყაროს ცნობით, გერმანელ სპეციალისტს სჯერა, რომ 28 წლის ფეხბურთელს "ბაიერნში" სურს დარჩენა და საკმარისი მცდელობის შემთხვევაში შეთანხმება შედგება.

ყველაფერს ართულებს ის, რომ 2021 წლის პირველი იანვრიდან ფეხბურთელს სხვა კლუბებთან პრე-კონტრაქტის გაფორმების საშუალება ექნება. ეს კი ნიშნავს, რომ თუ მან რომელიმე კლუბთან შეთანხმებას მიაღწია, სეზონის ბოლოს აუცილებლად დატოვებს "ბაიერნს". ალაბას მსურველთა რიგი კი საკმაოდ დიდია და მასში შედიან "ბარსელონა", "რეალი" და "სიტი".

10-10-2020, 16:19

sandro

მეტის ნახვა

გერმანიის ეროვნული ნაკრების მთავარმა მწვრთნელმა, იოახიმ ლიოვმა უკრაინასთან მატჩამდე პრესკონფერენცია ჩაატარა.

"ჩვენ უნდა გადავლახოთ ის პრობლემები, რომლებიც ბოლო მატჩებში გვქონდა და გამარჯვებას მივაღწიოთ. ყველა ფეხბურთელი, ვინც ჩვენთან ერთად არის მწყობრშია და სათამაშოდ 100%-ით მზადაა."

"ფრანგებთან 7-1 მარცხმა არ უნდა დაგვაბრმაოს. ბევრმა უკრაინელმა ფეხბურთელმა დაისვენა და ჩვენ განსხვავებული გუნდი შეგვხვდება, რომელიც ტექნიკურად და ტაქტიკურად საკმაოდ მაღლა დგას."

"მათეუსის მხრიდან კრიტიკა? ბოლო დღეების განმავლობაში არაფერი წამიკითხავს, რადგან არ მაინტერესებს ვინ რას იტყვის. ყველას თავისი, განსხვავებული აზრი აქვს. ჩემი საქმე კი გუნდის გაწვრთნაა."

"კიმიხი ჩვენი ნახევარდაცვის გულია. ის ძალიან მოტივირებული და გამარჯვებისკენ მოწადინებულია. როდესაც 2016 წელს მასთან ერთად პირველად ვივარჯიშეთ ვთქვი, რომ მას ევროპის ჩემპიონატზე აუცილებლად წავიყვანდი." - აცხადებს ლიოვი.

10-10-2020, 14:58

sandro

მეტის ნახვა

უკრაინის ეროვნულ ნაკრებთან მატჩამდე გერმანიისა და მიუნხენის "ბაიერნის" კაპიტანმა, მანუელ ნოიერმა პრესკონფერენციაზე ისაუბრა.

"მატჩებს შორის მცირე პერიოდი სიტუაციას ართულებს, თუმცა, პროფესიონალები ვართ და ამას უნდა შევეგუოთ. დროა ეროვნულ გუნდთან ერთად გამარჯვებას მივაღწიოთ."

"ბაიერნში ბოლო გამარჯვებებმა თავდაჯერება შეგვმატა და გვსურს ეს ეროვნულ გუნდსაც გადავდოთ."

"არ ვიცი კიდევ რამდენ ხანს ვითამაშებ ნაკრებში და გუნდში, თუმცა, ვაპირებ, რომ ეს მალე არ დასრულდეს." - აცხადებს მანუ.

10-10-2020, 14:52

sandro

მეტის ნახვა

მიუნხენის "ბაიერნიდან" ტიაგო ალკანტარას წასვლის შემდეგ კლუბი აქტიურად ეძებს მის შემცვლელს.

ესპანური გამოცემა Marca-ს ინფორმაციით, "რეკორდმაისტერის" ერთ-ერთი სამიზნე გასული სატრანსფერო ფანჯრის დროს მადრიდის "რეალის" ამომავლაი ვარსკვლავი, ფედერიკო ვალვერდე გახლდათ.

ახალგაზრდა ფეხბურთელმა ზინედინ ზიდანის ხელში დიდი პროგრესი განიცადა და ის გუნდის ერთ-ერთ ლიდერად ჩამოყალიბდა. შესაბამისად, მან "ბაიერნის" ინტერესიც გამოიწვია.

წყაროს ცნობით, თავად "რეალს" ურუგვაელი ნახევარმცველის გაყიდვა არ სურდა ტრანსფერიც სწორედ ამიტომ ჩაიშალა. თუმცა, "ბაიერნი" მომავალი სატრანსფერო ფანჯრის დროს კვლავ ეცდება ვალვერდეს შეძენას.

10-10-2020, 14:43

sandro

მეტის ნახვა

UEFA-ს ოფიციალურმა საიტმა ჩემპიონთა ლიგის 2020/21 წლების სეზონის საპრიზო ფონდი გამოაქვეყნა. აღსანიშნავია, რომ ჯამური თანხა ისტორიაში სარეკორდოა და დაახლოებით 1.2 მილიარდ ევროს შეადგენს.

ჯგუფში გასული თითოეული კლუბისთვის მინიმალური თანხა 15.25 მილიონ ევროს შეადგენს, სადაც არ არის გათვალისწინებული მოგებული მატჩების რაოდენობა, რისი თანხაც კიდევ ცალკე დაემატებათ გუნდებს.

პლეი-ოფში გასვლის შემდეგ კლუბი 9.5 მილიონ ევროს მიიღებს, 1/4 ფინალში 10.5 მილიონს, ნახევარფინალში 12 მილიონს, ფინალში კი 15 მილიონ ევროს. ჩემპიონობის შემთხვევაში გუნდი დამატებით 4 მილიონ ევროსაც მიიღებს.

ამრიგად, ყველა ეტაპის გავლის შემთხვევაში "ბაიერნს" შეუძლია მიიღოს 66.25 მილიონი ევრო, რომელშიც არ არის გათვალისწინებული მოგებული მატჩებისთვის მიღებული ფული, რომელიც, როგორც წესი, ასევე საკმაოდ მსუყე თანხას შეადგენს.

შეგახსენებთ, რომ "რეკორდმაისტერმა" ჩემპიონთა ლიგის გასულ სეზონში ჩემპიონობისა და მატჩების მოგების წყალობით ჯამში 125 მილიონი ევრო მიიღოო.

9-10-2020, 14:36

sandro

მეტის ნახვა

გერმანიის ეროვნული ნაკრების მთავარმა მწვრთნელმა, იოახიმ ლიოვმა თურქეთთან ჩატარებული მატჩის შემდეგ პირველი კომენტარი გააკეთა.

"რა თქმა უნდა იმედგაცრუებულები ვართ. ეს პრობლემა დიდი ხანია რაც არსებობს. სამჯერ გავედით წინ მატჩში და ვერ შევძელით უპირატესობის შენარჩუნება. უკრაინასთან მატჩამდე ამაზე ყურადღება უნდა გავამახვილოთ."

"მომდევნო შეხვედრაში სხვა შემადგენლობა იქნება და დარწმუნებული ვარ, გამარჯვებას მივაღწევთ. "ბაიერნის" ფეხბურთელებს ნაკრებში სხვა ხარისხი შემოაქვთ. მათ შეუძლიათ ნერვების კონტროლი რთულ სიტუაციაში." - აცხადებს ლიოვი.

8-10-2020, 15:20

sandro

მეტის ნახვა

ლეგენდარულმა გერმანელმა ფეხბურთელმა, ლოთარმ მათეუსმა ბუნდესნაკრების მთავარი მწვრთნელი, იოხაიმ ლიოვი მწარედ გააკრიტიკა.

"მან კიდევ ერთხელ დაუშვა ტაქტიკური შეცდომები შეცვლების დროს და ამის გამო გუნდმა თამაში ვერ მოიგო."

"გაოცებული ვარ. გუნდში თამაშობენ ისეთი ფეხბურთელები, რომლებიც კლუბებში სათადარიგოთა სკამზეც ვერ ხვდებიან. მაგალითად, ნიკოლა შულცი."

"ამ და სხვა მიზეზების გამო დარწმუნებული ვარ, აღარავის ექნება სურვილი გერმანიის თამაშის ყურების." - აცხადებს მათეუსი.

8-10-2020, 13:39

sandro

მეტის ნახვა

ამხანაგურ შეხვედრაში საფრანგეთის ეროვნული ნაკრები უკრაინას უპირისპირდება.

მატჩის 65-ე წუთზე მიუნხენის "ბაიერნის" ნახევარმცველმა, კორენტინ ტოლისომ ულამაზესი გოლი გაიტანა.

იხიელთ ვიდეო:

8-10-2020, 00:43

sandro

მეტის ნახვა

მოგეხსენებათ, UEFA ევროპის 2020 წლის ჩემპიონატმა კორონავირუსის გამო ერთი წლით გადაიწია და ის გაისად, 2021 წელს გაიმართება.

ბუნდესლიგის ოფიციალურმა საიტმა გერმანიის ეროვნული ნაკრების სავარაუდო შემადგენლობა გამოაქვეყნა მომავალი სანაკრებო ტურნირისთვის.

დიდი ალბათობით, ბუნდესნაკრები მომავალ ევროპის ჩემპიონატზე ასეთი სასტარტო თერთმეტეულით მოგვევლინება.


რაც შეეხება მეორე შემადგენლობა, ის ასეთნაირად გამოიყურება:

7-10-2020, 23:57

sandro

მეტის ნახვა

მოგეხსენებათ, ზაფხულის სატრანსფერო ფანჯარა სულ ცოტა ხნის წინ დაიხურა, თუმცა, როგორც ჩანს "მანჩესტერ იუნაიტედი" უკვე ზამთრის ტრანსფერებისთვის იწყებს მზადებას.

ამერიკული გამოცემა ESPN-ის ინფორმაციით, "წითელი ეშმაკების" რადარზე მიუნხენის "ბაიერნის" ახალგაზრდა ვარსკვლავი, კინგსლი კომანი გამოჩნდა.

კლუბი გასულ პერიოდში ჯეიდონ სანჩოსა და ოსმან დემბელეს შეძენას ცდილობდა, მაგრამ არცერთი გამოუვიდა და როგორც ჩანს, ბრიტანელებმა ალტერნატივა "რეკორდმაისტერში" იპოვეს.

გუნდში ლეროი სანესა და დუგლას კოშტას მოსვლის შემდეგ ფრანგი ვინგერის შანსები კიდევ უფრო შემცირდა. "მანჩესტერი" კი ტრანსფერში სწორედ ამ შანსის გამოყენებას ეცდება.

7-10-2020, 20:26

sandro

მეტის ნახვა

გერმანიის ბუნდესლიგის ოფიციალურმა საიტმა სექტემბრის თვის საუკეთესო ფეხბურთელის წოდებისთვის მებრძოლი კანდიდატები დაასახელა.

აღსანიშნავია, რომ მიუხედავად 1 განცდილი მარცხისა 6 მოთამაშეს შორის 3 მიუნხენელი მოხვდა. ესენი არიან სერჟ გნაბრი, ლეროი სანე და იოზუა კიმიხი.

კიდევ სამი კანდიდატი კი ნიკლას ფულკრუგი ("ჰოფენჰაიმი"), ანდრეა კრამარიჩი ("ჰოფენჰაიმი") და სასა კალაჯიჩი ("შტუტგარტი").

ხმის მიცემა ​ამ ლინკის საშუალებით შეგიძლიათ.​​​

7-10-2020, 18:19

sandro

მეტის ნახვა

ცნობილმა ბრიტანულმა სტატისტიკურმა კომპანიამ სუპერკომპიუტერის გამოთვლებით ჩემპიონთა ლიგის 2020/21 წლების სეზონის მთავარი ფავორიტები დაასახელა.

გასაკვირი არ იქნება თუ გეტყვით, რომ პირველ ადგილს მიუნხენის "ბაიერნი" იკავებს. კლუბის ჩემპიონობის შანსები 20%-ით ფასდება, ფინალში გასვლისა კი - 33%. რაც შეეხება ჯგუფიდან გასვლას, ამის შანსი 89%-ით არის შეფასებული.

მეორე ადგილზე მანჩესტერ "სიტია", რომლის ჩემპიონობასაც 16% აქვს ალბათობა. მესამეზე "ლივერპულია" 12%-ით.

ხუთეულში ასევე მოხვდნენ კატალონიის "ბარსელონა" 11%-ით და "პსჟ" 9%-ით. რაც შეეხება ყველაზე ტიტულოვან კლუბს ჩემპიონთა ლიგაზე, მადრიდის "რეალის" შანსები 7%-ით შეფასდა.

7-10-2020, 15:33

sandro

მეტის ნახვა

მოგეხსენებათ, მიუნხენის "ბაიერნი" გასული სატრანსფერო ფანჯრის დროს კალუმ ჰადსონ-ოდოის დამატებას ცდილობდა, თუმცა, ტრანსფერი არ შედგა.

გერმანული გამოცემა Bild-ის ინფორმაციით, გარიგების ჩაშლის მიზეზი ლონდონის "ჩელსის" მიზეზები იყო, რომელიც ერთი შეხედვით ძალიან სასაცილოა.

კერძოდ, იმ შემთხვევაში, თუ კლუბი ახალგაზრდა ვინგერს იჯარით დაიმატებდა, მას გარკვეული რაოდენობის მატჩები უნდა ჩაეტარებინა, წინააღმდეგ შემთხვევაში კი "რეკორდმაისტერი" ჯარიმას გადაიხდიდა. გარდა ამისა, იყო ასევე გარკვეული მატჩების რიცხვი დასახელებული (ზემოხსენებულზე უფრო მაღალი), რომლის ჩატარების შემდგომაც კლუბს ეკისრებოდა ოდოის გამოსყიდვის ვალდებულება 77 მილიონ ფუნტად.

წყაროს ცნობით, ჰასან სალიჰამიჯიჩი არაერთხელ დაუკავშირდა "ჩელსის" წარმომადგენლებს და კონტრაქტის პირობების შეცვლა მოსთხოვა, თუმცა, ისინი კომპრომისზე არ წავიდნენ. ამ ყველაფერმა კი საბოლოოდ ტრანსფერის ჩაშლა გამოიწვია.

7-10-2020, 15:10

sandro

მეტის ნახვა