ბუნდესლიგის მე-2 ტურში მიუნხენის "ბაიერნი" "ჰოფენჰაიმს" ესტუმრება.

გთავაზობთ "რეკორდმაისტერის" სავარაუდო თერთმეტეულს მომავალი დაპირისპირებისთვის.

ნოიერი - პავარი, ზულე, ბოატენგი, დეივისი - კიმიხი, გორეცკა - გნაბრი, მიულერი, სანე - ლევანდოვსკი.

26-09-2020, 15:38

sandro

მეტის ნახვა

მიუნხენის "ბაიერნის" მთავარმა მწვრთნელმა, ჰანს ფლიკმა "ჰოფენჰაიმთან" მატჩამდე პრესკონფერენციაზე ისაუბრა.

"მატჩამდეც ვამბობდი, რომ "სევილია" დიდ წინააღმდეგობას გაგვიწევდა. ამ გუნდს ბურთის კონტროლი შეუძლია და ჩვენ მსგავსი გუნდების წინააღმდეგ თამაში უნდა ვისწავლოთ. თუმცა, არ ვაპირებ მეტოქე გუნდების მწვრთნელებისთვის რაიმე რჩევების მიცემას."

"როტაციის შესაძლებლობა ყველაზე დიდი კოზირია ჩვენთვის. მნიშვნელობა არ აქვს ვინ იქნება მინდორზე, ყველას შეუძლია უმაღლეს დონეზე თამაში. მთავარია, მთელი სეზონის მანძილზე შევძლოთ ფიზიკური მზადყოფნა."

"ხავიმ გუნდისთვის ძალიან ბევრი რამ გააკეთა. ხუთშაბათის შემდეგ ახალი ინფორმაცია არ მაქვს. თუმცა, ის ჯერ კიდევ "ბაიერნის" მოთამაშეა და რა თქმა უნდა, მას განვიხილავ როგორც შემადგენლობის წევრს."

"ჩვენს მთავარ მიზანს ყოველ თამაშში მეტოქის ნახევარზე ბურთის კონტროლი წარმოადგენს. სწორედ ამის წყალობით შევძლებთ ბევრი მომენტის შექმნას და მატჩების მოგებას." - აცხადებს ფლიკი.

26-09-2020, 15:16

sandro

მეტის ნახვა

მიუნხენის "ბაიერნის" ყოფილმა ფეხბურთელმა, მარკუს ბაბელმა დავიდ ალაბას მდგომარეობაზე კომენტარი გააკეთა.

"ისეთი შეგრძნება მაქვს, თითქოს ყველაფერი, რაც დავიდის გარშემო ხდება, მასზე ზეგავლენას ახდენს. ლიგაზე მისი თამაში არ მომეწონა, არადამაჯერებელი იყო, მაგრამ ჩემპიონობამ ეს გადაფარა."

"ჩემი დიდი სურვილია, რომ დავიდმა საბოლოო გადაწყვეტილება რაც შეიძლება სწრაფად მიიღოს. არ აქვს მნიშვნელობა რა სახის გადაწყვეტილება იქნება. ეს მას დაამშვიდებს და გონებას გაუსუფთავებს." - აცხადებს ბაბელი.

26-09-2020, 00:43

sandro

მეტის ნახვა

მიუნხენის "ბაიერნის" ამომავალმა ვარსკვლავმა, ალფონსო დეივისმა ის პერიოდი გაიხსენა, როდესაც ჯერ კიდევ პირველ სამსახურს ეძებდა.

"ჰეი, მაკდონალდს. თუ ახლა მიყურებთ იცოდეთ, რომ ერთ დროს თქვენს ვაკანსიაზე მოთხოვნა გამოვგზავნე. თუმცა, თქვენ, ბიჭებო, არც კი დამირეკეთ." - მიმართავს ფონზი ცნობილ ფრენჩაიზს.

შეგახსენებთ, რომ დეივისი "ბაიერნის" რიგებს 2019 წელს შეუერთდა და 1 სეზონის განმავლობაში მან უკვე მოასწრო გერმანიის თასის, ბუნდესლიგის, ჩემპიონთა ლიგისა და ევროპის სუპერთასის მოგება.

26-09-2020, 00:15

sandro

მეტის ნახვა

მოგეხსენებათ, მიუნხენის "ბაიერნი" და დავიდ ალაბა ახალი კონტრაქტის თაობაზე ვერ თანხმდებიან. გერმანულმა გამოცემებმა ამ თემასთან დაკავშირებით საინტერესო ინფორმაცია გაავრცელეს.

წყაროს ცნობით, "რეკორდმაისტერი" ავსტრიელ მცველს კვირაში ანაზღაურების სახით მაქსიმუმ 290'000 ფუნტსა და ოთხწლიან კონტრაქტს სთავაზობს, თუმცა, ფეხბურთელის მოთხოვნა 400'000 ფუნტი და ხუთწლიანი კონტრაქტია.

მიუნხენში ეჭვობენ, რომ ალაბას მამა და მისი აგენტი, პინი ზაჰავი განზრახ წელავენ მოლაპარაკებებს, რათა სეზონის ბოლოს მან თავისუფალი აგენტის სტატუსით დატოვოს კლუბი და ევროპული გრანდებისგან უფრო მეტად სარფიანი წინადადება მიიღოს.

ამ ყველაფერის ფონზე, კიდევ უფრო ნაკლებად სავარაუდოა, რომ მხარეები რაიმე შეთანხმებას მიაღწევენ და ახალი კონტრაქტი გაფორმდება.

25-09-2020, 23:56

sandro

მეტის ნახვა

მიუნხენის "ბაიერნის" რადარზე ფრანგული "პსჟს" ორი ფეხბურთელი გამოჩნდა.

ფრანგული გამოცემა L'equipe-ს ინფორმაციით, ჰანს ფლიკი აქტიურად აკვირდება იულიან დრაქსლერსა და ტილო კერერს.

წყაროს ცნობით, 55 წლის სპეციალისტს გერმანელი ნახევარმცველი იმ ფეხბურთელების სიაში ფიგურირებს, რომლებიც მას ტიაგო ალკანტარას შემცვლელად ესახება.

რაც შეეხება კერერს, 24 წლის მცველის ტრანსფერზე მუშაობას კლუბი მხოლოდ იმ შემთხვევაში დაიწყებს, თუ დავიდ ალაბასთან შეთანხმება ვერ მოხერხდება.

25-09-2020, 23:06

sandro

მეტის ნახვა

UEFA-ს სუპერთასის შეხვედრაში მიუნხენის "ბაიერნი" ანდალუსიურ "სევილიას" დაუპირისპირდა და დამატებით დროში 2:1 დაამარცხა.

მორიგი ტიტულის მოპოვების შემდეგ ევროპულმა გამოცემებმა ფინანსური სტატისტიკა გამოაქვეყნეს, სადაც ნაჩვენებია, რომ "რეკორდმაისტერმა" გამარჯვების წყალობით 5 მილიონი ევროს სარგებელი მიიღო.

იმ შემთხვევაში, თუ გუნდი დამარცხდებოდა, მაშინ მხოლოდ 3.8 მილიონ ევროს მიიღებდა, რა თანხაც ამ შემთხვევაში ესპანურ კლუბს შეხვდა.

შეგახსენებთ, რომ "ბაიერნმა" ჩემპიონთა ლიგის გასულ სეზონში ტრიუმფისთვის 128.41 მილიონი ევრო მიიღო. საერთო ჯამში კი ევროთასების 2019/20 წლების სეზონში კლუბმა 133.41 მილიონი ევრო გამოიმუშავა, რაც სარეკორდო მაჩვენებელია.

25-09-2020, 20:55

sandro

მეტის ნახვა

UEFA-ს სუპერთასის შეხვედრაში მიუნხენის "ბაიერნის" კაპიტანი, მანუელ ნოიერი საოცრად გამოიყურებოდა.

გთავაზობთ მანუს არანორმალურ სეივს ექსტრა ტაიმის სტარტზე.

25-09-2020, 14:13

sandro

მეტის ნახვა

"სევილიასთან" გამარჯვების მომტანი გოლის ავტორმა, ხავი მარტინესმა საინტერესო განცხადება გააკეთა.

"ყველაფერი ისე იყო, როგორც 2013 წელს. ამ გოლმა წარსულში დამაბრუნა და ეს ძალიან სასიამოვნო გრძნობაა. მე მუდამ ყველაფერს ვაკეთებ მინდორზე, თუნდაც სათამაშოდ მხოლოდ 10-15 წუთი მეძლეოდეს."

"დღეს ერთად მცირედით აღვნიშნავთ, რადგან კვირას თამაში გვაქვს. იმ შემთხვევაში, თუ მომავალ მატჩშიც აქ ვიქნები და მინდორზე შანსი მომეცემა, ყველაფერს გავაკეთებ გუნდის დასახმარებლად." - აცხადებს ხავი.

25-09-2020, 13:56

sandro

მეტის ნახვა

სუპერთასის ტიტულის მოპოვების შემდეგ მიუნხენის "ბაიერნის" მთავარმა მწვრთნელმა, ჰანს ფლიკმა პირველი კომენტარი გააკეთა.

"სულ 15 წუთი დაგვჭირდა, რათა თამაშში ბოლომდე შევსულიყავით. მომეწონა გუნდის მენტალური მდგომარეობა და წარმატებისკენ სწრაფვა."

"სტადიონზე გულშემატკივრების დასწრებამ ძალიან გამახარა. თითქოს, ნამდვილი ფეხბურთი დაბრუნდა. მთავარია, ყველა ჯანმრთელადაა და ყველაფერი მშვიდობიანად დასრულდა."

"ხავიმ გოლი გაიტანა და ტიტული მოგვაგებინა. ზოგჯერ, ფეხბურთი ლამაზ ისტორიებს წერს და ესეც ერთ-ერთი მათგანია. ოთხშაბათს მის წასვლაზე იწერებოდა, დღეს კი ის ჩვენ გმირად მოგვევლინა." - აცხადებს ჰანსი.

25-09-2020, 13:48

sandro

მეტის ნახვა

UEFA-ს სუპერთასის შეხვედრაში მიუნხენის "ბაიერნი" ანდალუსიურ "სევილიას" დაუპირისპირდა და ანგარიშით 2:1 დაამარცხა.

აღსანიშნავია, რომ გარდა ტიტულის მოპოვებისა, გუნდმა ამ გამარჯვებით საოცარი რეკორდიც დაამყარა.

კერძოდ, "რეკორდმაისტერმა" ზედიზედ 23-ე ოფიციალურ შეხვედრაში იმარჯვა, მსგავსი შედეგი კი ისტორიაში ტოპ 5 ლიგის არცერთ წარმომადგენელს არ ჰქონია.

აქამდე რეკორდი მადრიდის "რეალს" ეკუთვნოდა, რომელმაც 2014 წელს კარლო ანჩელოტის მეთაურობით ზედიზედ 22 თამაში მოიგო.

25-09-2020, 13:36

sandro

მეტის ნახვა

UEFA-ს სუპერთასის შეხვედრაში მიუნხენის "ბაიერნი" ანდალუსიურ "სევილიას" დაუპირისპირდა და დამატებით დროში 2:1 დაამარცხა.

გთავაზობთ ფეხბურთელების შეფასებებს:

25-09-2020, 02:33

sandro

მეტის ნახვა

რამდენიმე წუთის წინ დასრულდა სუპერთასის შეხვედრა, რომელშიც "ბაიერნი" ანდალუსიურ "სევილიას" დაუპირისპირდა და დამატებით დროში 2:1 დაამარცხა 

ანგარიში მე-13 წუთზე ოკამპოსმა გახსნა, რასაც მალევე უპასუხა ლეონ გორეცკამ ზუსტი დარტყმით.

საბოლოო ანგარიში 104-ე წუთზე ხავი მარტინესმა დააფისირა და "ბაიერნს" ტიტული მოუტანა.

25-09-2020, 01:34

sandro

მეტის ნახვა

იხილეთ მარტინესის ტიტულის მომტანი გოლი:

25-09-2020, 01:23

sandro

მეტის ნახვა

გთავაზობთ სუპერთასის შეხვედრის საყურებელ ლინკებს:

​ლინკი 1​​​

24-09-2020, 22:00

sandro

მეტის ნახვა

დღეს ევროპის სუპერთასის შეხვედრა გაიმართება, რომელშიც მიუნხენის "ბაიერნი" ანდალუსიურ "სევილიას" დაუპირისპირდება.

გახურების დროს რობერტ ლევანდოვსკიმ უმაღლესი კლასი გამოავლინა.

24-09-2020, 21:52

sandro

მეტის ნახვა