მათეუსი: "ეს ის კარლ-ჰაინც რუმენიგე არ არის, რომელსაც მე ვიცნობ."

ლოთარ მათეუსი კარლ-ჰაინც რუმენიგეს განცხადებას აკრიტიკებს, რომ ფლორიან ვირცი გერმანიის საუკეთესო ფეხბურთელია:

"მუსიალამ ახლახანს გაახანგრძლივა კონტრაქტი 175 მილიონი ევროს ღირებულების გარიგებით, რაც აშკარად დიდი თანხაა. შემდეგ კი იმის თქმა, რომ ასეთი ფეხბურთელი არ არის გერმანიის საუკეთესო მოთამაშე, მუსიალასთვის ნამდვილი შეურაცხყოფაა. შეგიძლია თქვა, რომ გინდა ვირცის მოყვანა, რადგან ის ძალიან კარგი ფეხბურთელია - ისეთივე კარგი, როგორც მუსიალა, ან უბრალოდ განსხვავებული ტიპის მოთამაშე. მაგრამ ამ ფორმით, ვფიქრობ, მას ცოტა ზედმეტი მოუვიდა.

არ ვიცი, რატომ თქვა ეს. დარწმუნებული ვარ, მაქს ებერლსაც არ გაახარებს, რადგან მას ყოველდღე უწევს საკითხების მოგვარება. ეს ის კარლ-ჰაინცი არ არის, რომელსაც მე ვიცნობ. ძალიან გამიკვირდა, როცა ეს წავიკითხე. მაგრამ ვფიქრობ, რომ ის საკუთარ სტილს არ დაკარგავს და საბოლოოდ ყველაფერს გაარკვევს – განსაკუთრებით კლუბის შიგნით."