ალონსო: "გვინდა ვიყოთ კონკურენტუნარიანი მსოფლიოს საუკეთესოებთან"

ჩაბი ალონსო: "პირველ ტაიმში ვცდილობდით რაღაც გაგვეკეთებინა. ახლოს ვიყავით გოლის გატანასთან და გვქონდა საკმარისი შანსები. გვქონდა პირველი გოლის გატანის დიდი შანსი. ცოტა დაძაბული იყო, მაგრამ ბიჭებმა კარგად ითამაშეს. ბაიერნის პირველი გოლის შემდეგ, ძალიან რთული გახდა ყველაფერი.

ჩემპიონთა ლიგა არის შეჯიბრი, სადაც არ შეიძლება შეცდომის დაშვება და ჩვენ ძალიან ბევრი დავუშვით. რაღაც სანახაობრივი გვჭირდებოდა, მაგრამ არ გამოგვივიდა. შესრულება კარგი იყო. ხარისხის ნაკლებობა არ იყო, ეს იყო ეფექტურობის ნაკლებობა.

ჩვენ გუნდში დიდი განვითარება ვნახეთ. შემდეგი ნაბიჯი, სავარაუდოდ, ყველაზე რთულია. გვინდა ვიყოთ კონკურენტუნარიანი მსოფლიოს საუკეთესოებთან. ჩვენი გზით უნდა წავიდეთ მაგრამ არ უნდა ვიფიქროთ, რომ ამ ღამის შემდეგ ყველაფერი კატასტროფაა“.