კიმიხი: “გასულ ზაფხულს გაყიდვის კანდიდატი ვიყავი, თუმცა..”

იოზუა კიმიხი: „[გასულ ზაფხულს] გაყიდვის კანდიდატი ვიყავი, ბევრი საუბარი იყო იმაზე, რომ კლუბს ხელფასებზე თანხის დაზოგვა სურდა. სხვა ფეხბურთელებიც გაყიდვის კანდიდატები იყვნენ. შემდეგ, მოულოდნელად, საკმაოდ ადრე სეზონისწინა მომზადების დროს, მითხრეს, რომ კლუბის ერთ-ერთი სახე უნდა ვყოფილიყავი.

ეს ცვლილება ჩემთვის რთული დასაჯერებელი იყო, იმის დაჯერება, რომ რამდენიმე კვირაში მათი მოსაზრება ასე შეიცვალა. შემდეგ ახალი მწვრთნელი მივიღეთ. ამიტომ მინდოდა დავლოდებოდი და მენახა, როგორ განვითარდებოდა მოვლენები და როგორ გამოვიდოდით როგორც გუნდი და როგორც კლუბი.

ჩემთვის ძალიან მნიშვნელოვანი იყო, რომ მაქს ებერლმა დრო მომცა. მაქსთან და კრისტოფთან საუბრები ყოველთვის კარგი იყო, ვგრძნობდი, რომ ჩემს მდგომარეობას იგებდნენ. სეზონის პირველ ნახევარში ჩემზე ზეწოლა არ ყოფილა, რადგან იცოდნენ, რომ მინდოდა მენახა, რა მიმართულებით მივდიოდით.“