კიმიხი: "ყველამ უნდა იშრომოს და პროფესიონალურად მოიქცეს"

კიმიხი ამბობს, რომ ახლა გუნდში ყველა ფეხბურთელი საჭიროა:

„ყველა მნიშვნელოვანია. ეს ხშირად კლიშეა, რასაც სეზონის დაწყებამდე ვამბობთ, როცა ყველა ჯანმრთელადაა. მაგრამ ვნახეთ, რომ რამდენიმე ტრავმირებული მოთამაშე გვყავს, ამიტომ ახლა ეს მართლა სიმართლეა - ყველა მნიშვნელოვანია.

ყველა იღებს სათამაშო წუთებს ამიტომ ყველამ უნდა იშრომოს და პროფესიონალურად მოიქცეს, რომ გადამწყვეტ მომენტში მზად იყოს. ზუსტად ისე, როგორც სტანიმ [აუგსბურგთან] გააკეთა.

მან ითამაშა მისთვის უჩვეულო მარცხენა მცველის პოზიციაზე, ჩაატარა ძალიან, ძალიან კარგი მატჩი და ზუსტად ეგ გვჭირდება.

არა მხოლოდ თერთმეტი მოთამაშე, ვინც თამაშებს წყვეტს, არამედ მთელი გუნდი. მით უმეტეს, რომ ბევრი ტრავმირებული გვყავს. ჩვენ უნდა შეგვეძლოს ერთმანეთზე დაყრდნობა.“