ესპანური პრესა ბაიერნი რეალის შემტევს რეკორდულ თანხად შეიძენს

მიუნხენის "ბაიერნის" პრეზიდენტმა, ული ჰიონესმა, ზაფხულისთვის სერიოზული ცვლილებები დაანონსა, რასაც ესპანურ პრესაში ერთი ხმაურიანი გამოხმაურება უკვე მოჰყვა.

"Don Balon" იტყობინება, რომ გერმანული გრანდი ზაფხულში მადრიდის "რეალის" გარემარბის, მარკო ასენსიოს, გადაბირებას შეეცდება და მოლაპარაკებები უკვე მიმდინარეობს, თანაც წარმატებით.

23 წლის უნიჭიერესი ესპანელის სანაცვლოდ "ბაიერნი" 120 მილიონ ევროს გადაიხდის და ეს კლუბის ისტორიაში ყველაზე ძვირადღირებული შენაძენი იქნება.

მარკო ასენსიო "სამეფო კლუბის" რიგებში 2016 წლის იანვრიდან ბრწყინავს, მაგრამ მიმდინარე სეზონში ძირითადში ადგილი ვერ დაიმკვიდრა.

2018/19 წლების სეზონში მარკომ 31 თამაშში მიიღო მონაწილეობა, 5 გოლი გაიტანა და 3 ასისტი გააკეთა.