ებერლის წყალში გადაყრილი ფული - ბაიერნი ბრაიან სარაგოსას გუნდიდან უშვებს

2024 წლის 1 ივლისს მიუნხენის ბაიერნმა გრანადადან ესპანელი ნახევარმცველი, ბრაიან სარაგოსა 13 მილიონი ევროს სანაცვლოდ დაიმატა, რასაც ხელი მაქს ებერლმა მოაწერა.

გასულ წელს ახალგაზრდა ფეხბურთელმა ბაიერნში მხოლოდ 7-ჯერ ითამაშა, შემდეგ კი იჯარით ერთი სეზონი პამპლონის ოსასუნაში გაატარა და ახლა კვლავ ბაიერნის შემადგენლობაში დაბრუნდა.

Estadio Deportivo იტყობინება, რომ სარაგოსას ბაიერნში შანსი აღარ მიეცემა, რადგან კლუბს მისი გაყიდვა აქვს გადაწყვეტილი. რაც შეეხება დაინტერესებულ მხარეებს, ისინი ვიგოს სელტა და რეალ ბეტისი არიან.

როგორ აღვწეროთ ეს ისტორია? მაქს ებერლი, რომელმაც ისედაც ხელმომჭირნე ბაიერნს ფული უმიზნოდ გააფლანგვინა?!..