“რიბერი და სანიოლი ამას მიმეორებდნენ” - ანრი ბაიერნის წარმატების ფორმულაზე

მსოფლიო ფეხბურთის ლეგენდამ, ტიერი ანრიმ მიუნხენის ბაიერნის მუშაობის სპეციფიკასა და კლუბის ფილოსოფიაზე ისაუბრა და აღნიშნა, რომ მიუნხენური გრანდის მართვის სტილით მუდამ აღფრთოვანებული იყო. ფრანგი ვარსკვლავის განცხადებით, მას კლუბის, ფანებისა და გერმანული მენტალიტეტის შესახებ მხოლოდ საუკეთესო სმენოდა ისეთი ლეგენდარული ფეხბურთელებისგან, როგორებიც ფრანკ რიბერი, ვილი სანიოლი და ლიზარაზუ არიან.

ანრიმ ხაზი გაუსვა, რომ ბაიერნი ტრანსფერების დროს ყოველგვარი ხმამაღალი სახელების დევნის გარეშე, მხოლოდ იმ მოთამაშეებს იმატებს, რომლებიც კლუბის იდენტობას იდეალურად ერგებიან. მისი თქმით, მიუნხენელების წარმატების ფორმულა ზუსტად იმაში მდგომარეობს, რომ მათ შეუძლიათ უარი თქვან უმაღლესი დონის ვარსკვლავსა თუ მწვრთნელზე, თუ ისინი კლუბის შიდა ფილოსოფიას არ შეესაბამებიან, საკუთარი პრინციპების ერთგულება კი უდიდეს პატივისცემას იმსახურებს.