სატრანსფერო გეგმები შეიცვალა - ბაიერნმა 16 წლის ტალანტზე უარი თქვა

მიუნხენის ბაიერნმა კენეტ აიხჰორნის ტრანსფერზე მუშაობა ოფიციალურად შეწყვიტა და რბოლას გამოეთიშა. კლუბის ხელმძღვანელობამ ეს გადაწყვეტილება პოტენციური გარიგების ყველა დეტალის საფუძვლიანად შესწავლისა და გაანალიზების შემდეგ მიიღო.

მთავარი მიზეზი ფინანსური პირობები გახდა, რომელიც მიუნხენელთა ბოსების მოლოდინებს საერთოდ არ აკმაყოფილებდა, რასაც თან დაემატა სპორტული ხასიათის ეჭვებიც 16 წლის ფეხბურთელის სამომავლო პერსპექტივასთან დაკავშირებით.

აღსანიშნავია, რომ აქამდე კლუბის სპორტული დირექტორი მაქს ებერლი ამ ტრანსფერის ერთ-ერთ მთავარ მომხრედ და დამცველად ითვლებოდა, თუმცა შექმნილი სიტუაციიდან გამომდინარე, მან აზრი შეიცვალა და ახლა კლუბის საბოლოო გადაწყვეტილებას სრულიად უჭერს მხარს.