"გაფურჩქვნის პერიოდი აქვს" - დაიოტ უპამეკანო ხელფასის გაზრდას ითხოვს

გერმანული მედიის ინფორმაციით, ბაიერნი დაიოტ უპამეკანოსთან ხელშეკრულების განახლებაზე მოლაპარაკებებს აწარმოებს, თუმცა ფრანგ მცველს მადა გაეზარდა და ხელფასის მნიშვნელოვან ზრდას ითხოვს.

ბაიერნის აღმასრულებელი დირექტორი, იან-კრისტიან დრეესენი სწორედ უპამეკანოზე საუბრობს და ამბობს, რომ ფეხბურთელს კომპანისთან მუშაობით ძალიან კარგი პერიოდი უდგას:

"კონტრაქტის განახლების დეტალებზე სიახლეებს ვერ გეტყვით, მაგრამ ის კი ფაქტია, რომ უპამეკანოს ვენსან კომპანისთან ერთად გაფურჩქვნის პერიოდი აქვს. ვენსანი მას თავდაჯერებას სძენს და დაიოტთან სწორი მიმართულობით მუშაობს", - ამბობს დრეესენი.

როგორც ჩანს, უპამეკანო ამ თავდაჯერებას იმ დოზით გრძნობს, რომ ახლანდელი 10 მილიონი ევრო არ ჰყოფნის და ახალი მოთხოვნების წარდგენას აპირებს..