24 საათში სამედიცინო შემოწმებას გაივლის - ბაიერნმა ევერტონში მცველი გაუშვა

ფაბრიციო რომანო ადასტურებს ინფორმაციას იმის შესახებ, რომ მიუნხენის ბაიერნი განაპირა მცველ ადამ აზნოუს ევერტონში უშვებს.

როგორც ირკვევა, მაროკოელი უკანახაზელი ინგლისურ კლუბში სამედიცინო შემოწმებას მომდევნო 24 საათში გაივლის და კონტრაქტსაც ხელს მოაწერს.

19 წლის აფრიკელი მცველისთვის ბაიერნი 9 მილიონ ევროს მიიღებს, რასაც 3 მილიონი კიდევ ბონუსებისგან დაემატება.

აზნოუმ გასული სეზონი ვალიადოლიდში გაატარა და შიდა ჩემპიონატში 13 შეხვედრა ჩაატარა. თავის მხრივ, ფეხბურთელი ბაიერნმა 2022 წელს ბარსელონადან უფასოდ დაიმატა, ახლა კი მისი გაყიდვით ბაიერნს 12-მილიონიანი მოგება დარჩა.