თავისივე მოყვანილი გაუშვა - მაქს ებერლის საამაყო სატრანსფერო პოლიტიკა

ფაბრიციო რომანო ადასტურებს, რომ ჟოაუ პალინია საიჯარო ხელშეკრულებით ლონდონის ტოტენჰემში გადავიდა, რომელიც პორტუგალიელის წაყვანას რამდენიმე დღე აქტიურად ცდილობდა.

როგორც ირკვევა, იჯარის ამოწურვის შემდეგ ტოტენჰემს პალინიას გამოსყიდვის უფლება ექნება, რისთვისაც 30 მილიონი ევროს გადახდა გახდება საჭირო.

ამ მომენტისთვის ფეხბურთელის ხელფასს ტოტენჰემი დაფარავს, სეზონის ბოლოს კი ბაიერნი და ინგლისური მხარე პალინიას მომავალს კიდევ ერთხელ განიხილავენ.

სხვათა შორის, პალინია ბაიერნში მაქს ებერლიმ მოიყვანა და გამოდის, რომ სპორტულმა დირექტორმა ფეხბურთელი უკან თვითონვე გაუშვა, რაც პოზიტიური სიახლე ნამდვილად არ არის.