პრობლემა ერთია - რატომ იქნება რთული კიმის გუნდიდან გაშვება

ჟურნალისტი მაქსიმილიან კოხი კიმ მინ-ჯეს შესახებ წერს და ამბობს, რომ მისი ბაიერნიდან გაშვება იოლი არ იქნება.

როგორც ირკვევა, მთავარი პრობლემა კორეელი ფეხბურთელის ხელფასია. ბაიერნი მას 14 მილიონ ევროს უხდის, რისი გადახდაც სხვა კლუბებს ნაკლებად თუ ენდომებათ.

გარდა ამისა, წასვლა მეტწილად არც თავად კიმს სურს. მისი აგენტის თქმით, ფეხბურთელს დარჩენა და ავტორიტეტის გაზრდა სურს, თუმცა ექსტრაორდინალური წინადადება ყველაფერს შეცვლიდა.

გამოდის, რომ ბაიერნი კიმის თაობაზე წინადადებებს მიიღებს, თუმცა ფეხბურთელის გარემოცვა მხოლოდ გამორჩეულ შემთხვევებში დაინტერესდება.