კრისტოფერ ნკუნკუმ ბაიერნს საკუთარი თავი შესთავაზა - კლუბის პასუხი

როგორც გერმანულ მედიაში წერენ, მიუნხენის ბაიერნს ჯერ კიდევ სურს, რომ ახალი შემტევი დაიმატოს, რომელიც ორი კრიტერიუმით იქნება შერჩეული.

პირველ რიგში, ბაიერნს სურს, რომ ფეხბურთელი შესაბამის ფასად დაიმატოს და ცხადია, მნიშვნელოვანი იქნება სათამაშო პროფილიც.

ასეთად კლუბს ნიკ ვოლტემადე მიაჩნია, მაგრამ მოლაპარაკებები გაყინულია და ისეთი პირი უჩანს, რომ არც განახლდება, ასეთ დროს კი საკუთარი თავი ბაიერნს კრისტოფერ ნკუნკუმ შესთავაზა.

ფრანგ შემტევს ჩელსის დატოვება და ბუნდესლიგაში დაბრუნება სურს, სადაც კარიერის საუკეთესო პერიოდი აქვს გატარებული.

სხვათა შორის, ნკუნკუსთვის უარის თქმას არც ბაიერნი ჩქარობს, რომელმაც ბოლოსთვის შესაძლოა სწორედ ლაიფციგის ყოფილი შემტევი დაიმატოს..