"ნახვამდის წარსულო" - ლეროი სანეს უცნაური საქციელი ბაიერნთან მიმართებით

დაახლოებით 1 თვის წინ, ლეროი სანემ მიუნხენის ბაიერნი დატოვა და თურქეთის ჩემპიონატში, კერძოდ გალათასარაიში გადავიდა.

ახლახანს კი მედიაში ერთი უცნაური ფაქტის შესახებ ამოტივტივდა ინფორმაცია, - გერმანელმა ფეხბურთელმა სოც.ქსელებში ბაიერნის გამოწერა გააუქმა.

როგორც წესი, ფეხბურთელები ყოფილ კლუბთან მიმართებით ამას არ აკეთებენ ხოლმე იმ შემთხვევების გარდა, როცა ისინი გუნდიდან გაბრაზებული მიდიან.

ახლა რა ვიფიქროთ, სანე გაბრაზებული წავიდა? ებერლიმ და კამპანიამ რამე დააშავა? ამაზე ზუსტი პასუხის გაცემა რთულია, თუმცა, არის შანსი, რომ რაღაც პერიოდის გასვლის შემდეგ იმაზე მეტი გავიგოთ, ვიდრე დღეს ვიცით..