ნაგელსმანი გერმანიის თამაშზე ნაკრების ფორმით გამოვა? - მიზეზი ცნობილია

ხვალ, ჩვენი დროით 22:45-ზე გერმანიის ეროვნული ნაკრები 2026 წლის მსოფლიო ჩემპიონატის საკვალიფიკაციო ეტაპს იწყებს, სადაც იულიან ნაგელსმანის გუნდი პირველ შეხვედრას სლოვაკეთში გამართავს.

მატჩამდე გამართულ პრესკონფერენციაზე ნაგელსმანს საინტერესო კითხვა დაუსვეს. როგორც ჟურნალისტმა თქვა, კიოლნის მწვრთნელს, ლუკას კვაშნიოკს თამაშზე გასვლისას მუდამ თავისი გუნდის მაისური აცვია და ფეხბურთელების მოტივაციის ამაღლებას ასე ცდილობს.

გააკეთებს თუ არა იგივეს ნაგელსმანიც, ამაზე იულიანმა შემდეგი რამ თქვა:

"თუ გუნდი ხვალ იტყვის, რომ ეს მათ განწყობას აამაღლებს, მაშინ გერმანიის მაისურს მეც ჩავიცვამ. სინამდვილეში, ვფიქრობ, რომ ეს მეთოდი კარგია. თუ გუნდი მოითხოვს და წესებსაც არ დავარღვევ, მაშინ ამას გავაკეთებ კიდეც", - თქვა ნაგელსმანმა.