ტრავმირებული კაცის იმედზე - კომპანი ჰოფენჰაიმთან დაშავებულ გერეიროს ათამაშებს?

ამ მომენტისთვის ბაიერნს ყველა მარცხენა მცველი დაშავებული ჰყავს, ერთადერთი კი ვისაც თამაში ძალდატანებით მაინც შეუძლია, ეს რაფაელ გერეიროა.

პორტუგალიელი მცველი ტრავმიდან ახლა ბრუნდება და ბოლო მატჩებში ცოტა დროც მიიღო, თუმცა, აშკარაა, რომ მისთვის დიდი დატვირთვის მიცემა ჯერ არ შეიძლება.

სწორედ ამის შესახებ ჰკითხეს კომპანის ჰოფენჰაიმთან გასამართი მატჩის წინ, რაზეც ბელგიელ მწვრთნელს შემდეგი პასუხი ჰქონდა:

"სტანისიჩის ტრავმა ისეთი ცუდი არ ჩანს, როგორსაც ველოდით. იმედია, რომ იოსიპი სანაკრებო პაუზის შემდეგ დაბრუნდება. რაც შეეხება გერეიროს, მას ვაკვირდებით. ახლა ბევრი ვარიანტი დარჩენილი არ გვაქვს. უნდა დავიცადოთ და დავაკვირდეთ თუ როგორ იგრძნობს თავს რაფაელი", - თქვა კომპანიმ.

თუ კომპანი ვერ გარისკავს და გერეიროს ვერ ათამაშებს, მაშინ ბაიერნის ფლანგებს კონრად ლაიმერი და საშა ბოეი შეავსებენ.