ბაიერნის ვარსკვლავი მადრიდის რეალს შესთავაზეს

Marca-ს და Gazetaexpress-ის ინფორმაციით, მადრიდის რეალს უკანასკნელ დღეებში ბაიერნის ვარსკვლავი შესთავაზეს.

როგორც წერენ, საქმე დაიოტ უპამეკანოს ეხება, რომელიც არასდროს მალავდა რეალში თამაშის სურვილსა და ოცნებას. 

ზოგადად, უპამეკანოს წასვლაზე საუბარი უკვე საკმაოდ აქტიურად მიმდინარეობს. ირკვევა, რომ ფრანგი მცველი ხელფასის ზრდას ითხოვს, რის საპასუხოდაც ბაიერნის ბოსებისგან არაფერი არ ისმის.

ჰოდა, უპამეკანოს სახელს მადრიდულ კლუბს უფრო და უფრო უახლოვებენ. Transfermarkt-ზე ახლა მისი ფასი 50 მილიონი ევროა, თუმცა თუ უპამეკანო კონტრაქტს ბოლომდე ჩაამთავრებს, მაშინ მას კლუბიდან წასვლა 2026 წელს უფასოდ შეეძლება.