"ბაიერნიდან ამ ერთი შეცდომის გამო გამიშვეს" - რას იხსენებს კარლო ანჩელოტი

როგორც მედიაში იწერება, კარლო ანჩელოტი თავის წიგნს წერს, საიდანაც რამდენიმე ამონარიდი წიგნის დაბეჭდვამდე ნაადრევად გავრცელდა.

იტალიელი მწვრთნელი ბაიერნში მუშაობის პერიოდს იხსენებს და წერს, რომ კლუბიდან დაუნდობლად გააგდეს, რაც მხოლოდ ერთმა დაშვებულმა შეცდომამ განაპირობა.

ანჩელოტის აზრით, მას სამსახური ჩემპიონთა ლიგის ჯგუფურ ეტაპზე, 2017 წელს პარი სენ-ჟერმენთან წაგებამ წაართვა (0-3), სადაც მან რამდენიმე ტაქტიკური და ბაიერნისთვის მენტალურად შეუფერებელი შეცდომა დაუშვა.

კარლო ანჩელოტის გაშვების შემდეგ ბაიერნი იუპ ჰაინკესმა ჩაიბარა, რომელმაც გუნდი იმ სეზონში ჩემპიონთა ლიგის 1/2-ფინალში გაიყვანა, სადაც ბაიერნი მადრიდის რეალთან ორი მატჩის ჯამში 3-4 დამარცხდა.