ბაიერნი არსენალიდან მარტინელის წამოყვანას ერთ შემთხვევაში შეძლებს

Teamtalk-მა დაწერა, რომ მიუნხენის ბაიერნმა ლონდონის არსენალის ბრაზილიელი გარემარბის, გაბრიელ მარტინელის მიმართ თავისი ინტერესი განაახლა.

პირველად რეკორდმაისტერმა მარტინელის გადმოყვანა ზაფხულში სცადა, როცა ვინგერის პოზიციაზე კანდიდატებს აქტიურად ეძებდა, თუმცა მაშინ ტრანსფერი ლუის დიასსთან შეთანხმდა და ვინ იტყვის, რომ წარუმატებლად.

თუმცა, კლუბში შესაძლოა ფიქრობდნენ, რომ კიდევ ერთი ენერგიული შემტევის დამატება კომპანის უფრო მეტ სიღრმეს მისცემდა და დროც შემტევებზე თანაბრად გადანაწილდებოდა.

ჰოდა, სწორედ აქ ამოტივტივდა მარტინელი, რომელსაც არსენალში ეზეს მისვლის გამო სათამაშო დრო შემცირებული აქვს და ტრანსფერზე სერიოზულად მსჯელობა მას შემდეგ დაიწყება, თუ მიკელ არტეტა ბრაზილიელის გაშვებაზე ხელს თავად მოაწერს.