"მართალია ვირცი და ვოლტემადე ვერ ვიყიდეთ, მაგრამ.." - დრეესენი სიმშვიდეს ინარჩუნებს

იან-კრისტიან დრეესენი, ბაიერნის აღმასრულებელი დირექტორი პასუხობს კითხვას თუ რამდენად ინარჩუნებს კლუბი მიმზიდველ სტატუსს მას შემდეგ, რაც ბაიერნზე უარი ფლორიან ვირცმა და ნიკ ვოლტემადემ თქვა:

"ასე არაა, თქვენ ძალიან აჭარბებთ. ბაიერნი კვლავ არის ერთ-ერთი ყველაზე მიმზიდველი კლუბი მსოფლიოში. მართალია, ვირცი და ვოლტემადე პრემიერ ლიგაში წავიდნენ, თუმცა იქედან დიასი და ჯექსონი დავიმატეთ, ისევე როგორც ჰარი კეინი ორი წლის წინ", - ამბობს დრეესენი.

ამის პარალელურად, გერმანულ მედიაში აქტიურად მიდის საუბარი იმის შესახებ, რომ ბუნდესლიგამ მიმზიდველობა დაკარგა და ტოპ ჩემპიონატებს გერმანია კონკურენციას ვეღარ უწევს, თუმცა, მიუხედავად ამისა, დრეესენი მშვიდადაა და მიაჩნია, რომ ყველაფერი გეგმის მიხედვით ვითარდება.