ტრავმირებულები ვერნერის ტრანსფერი და სხვა ფლიკის მატჩისწინა პრესკონფერენცია

მიუნხენის "ბაიერნის" მთავარმა მწვრთნელმა, ჰანს ფლიკმა "ლაიფციგთან" მატჩისწინა პრესკონფერენციაზე საინტერესო თემებზე ისაუბრა.

"მას შემდეგ, რაც "ჰოფენჰაიმთან" 4:1 დავწინაურდით, გუნდი მოდუნდა, რაც შესაბამისად შედეგზეც აისახა. კვირას სხვა თამაშს ველით, სადაც 90 წუთის მანძილზე ბოლომდე უნდა დავიხარჯოთ."

"კინგსლი კომანი კვირის მატჩისთვის განაცხადში იქნება. რაც შეეხება ლუკას ერნანდესს, მან ვარჯიში განაახლა, თუმცა, ჯერ კიდევ არ ვიცი, შევიყვან თუ არა შემადგენლობაში."

"ვერნერის ტრანსფერი? ყველფერი შესაძლოა მოხდეს. ის ამჟამად "ლაიფციგში" თამაშობს და შესაბამისად, ამ საკითხზე არ ვფიქრობ. ჩემი ერთადერთი საფიქრალი რობერტ ლევანდოვსკია, მსოფლიოში საუკეთესო თავდამსხმელი, რომელიც ძალიან კარგ ფორმაშია."

"ჰაინერის განცხადება არ მინახავს, თუმცა მოხარული ვარ, რომ ჩემზე დადებითად ისაუბრა. მომავალზე არ ვფიქრობ. მე მყავს შესანიშნავი გუნდი, რომელთან ერთადაც წარმატებას უნდა მივაღწიო. მომდევნო წელზე არ ვღელავ." - აცხადებს ფლიკი.