ნოიერის გერმანიის ნაკრებში დასაბრუნებლად ერთადერთი რამაა საჭირო

როგორც გერმანულ მედიაში წერენ, მანუელ ნოიერი სრულ მზადყოფნაშია, რომ ეროვნულ ნაკრებში დაბრუნდეს და 2026 წლის მსოფლიო ჩემპიონატი ითამაშოს.

საამისოდ მხოლოდ ისაა საჭირო, რომ აღნიშნულს მწვანე შუქი იულიან ნაგელსმანმა აუნთოს, რომელიც ჯერ კიდევ მსჯელობს თუ ვინ უნდა დააყენოს მუნდიალზე ნაკრების კარში.

სხვათა შორის, ისიც დაიწერა, რომ ნაგელსმანს და ნოიერს ახლო ურთიერთობა არ აქვთ მიუხედავად იმისა, რომ ნაგელსმანს ნოიერთან ნამუშევარი ბაიერნშიც აქვს.

აქედან გამომდინარე, თუ ნაგელსმანს ბაუმანი და ტერ შტეგენი მზად ეყოლება, მაშინ ნაკლებად მოსალოდნელი იქნება, რომ ნოიერი ისევ გამოიძახონ.