მცველები გაიცვლებიან - რა ინფორმაცია ვრცელდება გეჰისა და უპამეკანოზე

დაიოტ უპამეკანოს კონტრაქტის საკითხმა ბაიერნის სასკაუტე ფრთა იმ მდგომარეობამდე მიიყვანა, რომ ახლა კლუბი ახალი ცენტრალური მცველის ძიებაშია.

დადასტურდა, რომ ბაიერნის ერთ-ერთი მთავარი სამიზნე კრისტალ პალასის მარკ გეჰი იქნება, რომელიც ებერლის პირადი ფავორიტია და მის გაფორმებას კლუბი ზამთარში ან სეზონის დასრულების შემდეგ ეცდება.

პარალელურად, ახლახანს დაიწერა, რომ კრისტალ პალასმა შესაძლოა გეჰი სწორედ უპამეკანოთი ჩაანაცვლოს, რომელიც მაღალ ხელფასს ითხოვს და თუ ევროპაში სადმე მაღალი ხელფასებია, ეს სწორედ პრემიერ ლიგაა.

გაჩნდა ვარიანტი, რომ 2025/2026 წლების სეზონის დამთავრების შემდეგ კლუბებმა ფეხბურთელები უბრალოდ გაცვალონ, რა შემთხვევაშიც უპამეკანო მაღალხელფასიან კონტრაქტს, გეჰი კი უკეთესი მიზნებისთვის მებრძოლ კლუბს მიიღებს.