ჟურნალისტი კრისტიან ფალკის ინფორმაციით, ტურინის იუვენტუსი მიუნხენის ბაიერნიდან ზამთარში განაპირა მცველის წაყვანას ეცდება.
საქმე რაფაელ გერეიროს ეხება, რომელსაც ბაიერნთან კონტრაქტი 2026 წლის ზაფხულში ეწურება და კლუბს ურჩევნია, რომ უფასოდ გაშვების ნაცვლად, ფეხბურთელში გარკვეული ფული გამოიმუშავოს.
ამავე წყაროს ინფორმაციით, იუვენტუსი მზადაა პორტუგალიელი მცველის სანაცვლოდ 8 მილიონი ევრო გადაიხადოს და სავარაუდოდ, ბაიერნიც მიიღებს ამ წინადადებას.