ბარსელონამ კოუტინიოს ახალი ფასი დაადო

როგორც ჩანს, კატალონიის "ბარსელონამ" საბოლოოდ გადაწყვიტა ფილიპე კოუტინიოს გაყიდვა და ამის გამო მას ფასი საგრძნობლად დააკლო.

ესპანური გამოცემა Mundo Deportivo-ს ინფორმაციით, "ბლაუგრანა" მზადაა 27 წლის ნახევარმცველს 80 მილიონი ევროს სანაცვლოდ დათმოს.

მოგეხსენებათ, "რეკორდმაისტერისთვის" კოუტინიოს გამოსასყიდი ფასი 120 მილიონი ევრო იყო და ევროპული გამოცემების ინფორმაციით, გუნდი ამ თანხის გადახდას არ აპირებდა.

თუმცა, მას შემდგომ, რაც "ბარსელონამ" ფეხბურთელის ფასი გაცილებით გააიაფა, შესაძლოა, "ბაიერნმა" მისი შენარჩუნება გადაწყვიტოს.