პავარი ბაიერნს უარის ვერ ვეტყოდი

მიუნხენის "ბაიერნის" მომავალმა მცველმა, ბენჟამენ პავარმა, "რეკორდმაისტერში" გადასვლის გადაწყვეტილება შეაფასა.

"ბაიერნი" არის კლუბი, რომელსაც შეუძლებელია უარი უთხრა. ეს გერმანიის საუკეთესო და მსოფლიოს საუკეთესო თუ არა ერთ-ერთი საუკეთესო კლუბია.

როდესაც აგენტმა მითხრა, რომ ჩემით "ბაიერნია" დაინტერესებული, მე ვუპასუხე: "ეს სწორედ ისაა, რაც მჭირდება, სხვა წინადადებები არ მაინტერესებს".

ლიზარაზუ, სანიოლი - ამ ფრანგ ფეხბურთელებს "ბაიერნში" ფანტასტიკური კარიერა ჰქონდათ.

უფრო მეტიც, გერმანია მიყვარს და აქ დარჩენა მინდა. მიყვარს გერმანელი ხალხი და სტადიონები. ფეხბურთი აქ ოჯახივით არის, რაც ძალიან მომწონს", - განაცხადა პავარმა.

22 წლის უნივერსალური მცველი "ბაიერნს" ახალი სეზონიდან შეუერთდება. მისი ტრანსფერი "რეკორდმაისტერს" 35 მილიონი ევრო დაუჯდება.