მანჩესტერი პავლოვიჩისთვის დიდ ფულს ამზადებს - ბაიერნს უარის თქმა გაუჭირდება

ინგლისურ მედიაში დაიწყეს წერა იმის შესახებ, რომ მანჩესტერ იუნაიტედი სერიოზულად ფიქრობს იანვარში ახალი ნახევარმცველის დამატებაზე, ერთ-ერთი ფავორიტი კანდიდატი კი ალექსანდრ პავლოვიჩია.

როგორც ვკითხულობთ, ინგლისური გრანდი მზადაა, რომ ბაიერნს 78-მილიონიანი წინადადება გაუგზავნოს, რომელიც დამატებითი გადასახადებით 80 მილიონ ევროს გადააჭარბებს, რაზეც გუნდს უარის თქმა ძალიან უნდა გაუჭირდეს.

ამის მიზეზი ის გახლავთ, რომ ლეონ გორეცკა მზადყოფნას გამოთქვამს გუნდში დარჩენისა და ძირითადი შემადგენლობისთვის ბრძოლის პროცესში, არადა ბაიერნის სამომავლო გეგმები ამ მომენტისთვის სწორედ პავლოვიჩზეა დაშენებული.

ჰოდა, თუ ეს წინადადება მართლა გამოგზავნეს, მაშინ ხელმძღვანელობას მოუწევს გადაწყვეტილების მიღება 80 მილიონსა და პავლოვიჩთან ერთად დასახულ მიზნებს შორის.