"ეს სამსახური არ არის" - რა უპასუხა ბაიერნმა ბოატენგს, რომელსაც კომპანის ასისტენტობა უნდოდა

რამდენიმე დღის წინ, ჟერომ ბოატენგმა საჯაროდ გამოთქვა სურვილი, რომ სტაჟირება გაევლო, შემდეგ კი ვენსან კომპანის დამხმარედ ემუშავა.

ბაიერნი ამასთან დაკავშირებით კომენტარს არ აკეთებდა, ახლა კი კლუბის სპიკერი ასეთ კომენტარს აკეთებს:

"ჟერომმა კომპანის სთხოვა, შეიძლებოდა თუ არა, რომ რამდენიმე დღით ბაიერნის საწვრთნელ სესიებს დასწრებოდა. ეს სამსახური არ არის. თუ მწვრთნელი მას შესაძლებლობას მისცემს, ამის წინააღმდეგ კლუბს არაფერი აქვს", - ამბობს ბაიერნის სპიკერი.

ფანების ნაწილი დღემდე ითხოვს, რომ კომპანიმ ბოატენგი არ მიიღოს, რადგან ჟერომს სასამართლოსთან ჰქონდა პრობლემები.