"არა, ლიგაზე ეს არ დაგვიგეგმავს" - ფროინდი საკუთარი განცხადების გამო გააკრიტიკეს

ბაიერნის სპორტული დირექციის წევრმა, კრისტოფ ფროინდმა მედიასთან საუბრისას უპასუხა შეკითხვას თუ რამდენად დაიგეგმა ჩემპიონთა ლიგის მოგება ვენსან კომპანისთან ახალი კონტრაქტის მიცემის პროცესში:

"ვენსანი ძალიან ამბიციურია და დიდი მიზნები აქვს, ზუსტად ისე, როგორც ბაიერნს, ამიტომ ჩვენი მიზნები კარგად ერგება ერთმანეთს. ჩემპიონთა ლიგის მოგება? - არა, არ შეიძლება მისი მოგება დაიგეგმოს, თუმცა, ცხადია, ჩვენ მაღალი მიზნები გვაქვს და საამისოდ ყველაფერი კარგად უნდა დაემთხვეს ერთმანეთს", - ამბობს ფროინდი.

ამ განცხადების გამო ფროინდი ფანებმა გააკრიტიკეს. გულშემატკივართა ნაწილი წერს, რომ ჩემპიონთა ლიგაზე წარუმატებლობა ბაიერნის ხელმძღვანელობისთვის უკვე აღარაფერს ნიშნავს და საერთაშორისო დონეზე გუნდი იმ სტატუსს კარგავს, რომელიც წლების წინ ჰქონდა.