ფაბრიციო რომანო ადასტურებს, რომ მილანის ინტერს ბაიერნიდან კიმ მინ-ჯეს წაყვანა სურს, თუმცა გამოიკვეთა ერთი პრობლემა, რომელიც იტალიელებს უკან დახევისკენ უბიძგებს.
საქმე კორეელი მცველის ანაზღაურებას ეხება. კიმი წლიურად ბაიერნში 8-9 მილიონ ევროს გამოიმუშავებს, რასაც ზედ საბონუსე სისტემაც ერთვის, ამდენის გადახდა კი ინტერს არ სურს.
რომანო იმასაც წერს, რომ 10-მილიონიანი კონტრაქტის გაფორმება არამხოლოდ ინტერისთვის იქნება რთული, არამედ სხვა იტალიური კლუბებისთვისაც, რომლებიც კიმის სერია A-ში დაბრუნებას შეეცდებიან.